ភ្នំពេញ៖ យុវជនម្នាក់បានធ្វើសកម្មភាពលួចយកសាប៊ូនឹងសម្ភារៈផ្សេងៗទៀតនៅក្នុងម៉ាតបានហើយតែម្ចាស់ឃើញទាន់ចាប់ប្រគល់អោយសមត្ថកិច្ច។ករណីនេះបានកើតឡើងនៅវេលាម៉ោ១៥ និង៣០នាទីថ្ងៃទី០២ខែឧសភាឆ្នាំ២០២០ នៅចំណុចក្នុងម៉ាតម្លូអូសៀនផ្ទះលេ៥២៨ ផ្លូវ១០០៣ ភូមិទំនប់ សង្កាត់ភ្នំពេញថ្មី ខណ្ឌសែនសុខ ។
ជនសង្ស័យមានឈ្មោះ ណន បញ្ញា ភេទប្រុស អាយុ១៥ ជនជាតិខ្មែរ មុខរបរគ្មាន ស្នាក់នៅន្ទប់ជួល ផ្លូវ១០០៣ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ (គ្មានសារធាតុញៀន)។
ម្ចាស់ទីតាំងមានឈ្មោះ លី ប៊ុនសុង ភេទប្រុស អាយុ៣៣ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះលេខ៤ ផ្លូវបេតុង ភូមិទ្រា២ សង្កាត់ស្ទឹងមានជ័យ១ ខណ្ឌមានជ័យ ។ សមត្ថកិច្ចបានអោយដឹងថាជនសង្ស័យខាងលើបានដើរចូលទៅក្នុងម៉ាតហើយបានបន្លំលួចយក សាប៊ូ៩ដប , ប្រាដាប់លាបឃ្លៀក៣ដប , ប្រដាប់លាបមាត់០៥បំពុង រួចក៍ដើរចេញតែម្ចាស់ឃើញទាន់ក៍ឃាត់ខ្លួនប្រគល់អោយសមត្ថកិច្ចតែម្តង។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕ ដោយ៖ ចន្ទ លីហ្សា
