ខេត្តបន្ទាយមានជ័យ ៖ នគរបាលការពារព្រំដែនគោក នៅថ្ងៃទី២០ ខែឧសភា ឆ្នាំ២០២០នេះបានធ្វេីលិខិតមួយគោរពសូមគោរពជូន លោក ឧត្តមសេនីយ៍ស្នងការងារនគរបាលខេត្តបន្ទាយមានជ័យ អំពីករណីប្រជាពលរដ្ឋខ្មែរលួចឆ្លងដែនខុសច្បាប់ចូលទៅប្រទេសថៃ។
យោងតាមលិខិតខាងលេីបានរៀបរាប់ថា កាលពីថ្ងៃទី១៩-០៥-២០២០ វេលាម៉ោង១៧:៣០នាទី មានពលរដ្ឋខ្មែរ០៤នាក់ ស្រី០២នាក់ ក្នុងនោះមានអ្នកជូន
នាំផ្លូវ០១នាក់(ប្រុស) បានលួចឆ្លងដែនចូលទៅក្នុងទឹកដីថៃត្រង់ចំណុចខាងក្រោយអាគារផារ៉ាម៉ិច ភូមិក្បាល
ស្ពាន១ សង្កាត់/ក្រុងប៉ោយប៉ែត ដើម្បីទៅមើលឥវ៉ាន់នៅក្នុងផ្សាឡុងភ្លើ នៅពេលធ្វើដំណើឆ្លងចូលទៅត្រូវបាន
ទាហានឈុតខ្មៅថៃចាប់ឃាត់ខ្លួនភ្លាមៗបានចំនួន០៣នាក់ នៅចំណុចខាងក្រោយអាគារផារ៉ាម៉ិច ភូមិដុង្ហូ ឃុំ
ប៉ាវ៉ៃ ស្រុកអារញ្ញ ដោយឡែកអ្នកនាំផ្លូវបានរត់គេចខ្លួនហើយត្រូវបានទាហានចាប់បាន ខណៈដែលគាត់រត់ទៅ
ទាក់និងរបងបន្លាលួសបណ្តាលឲ្យរងបួស ចំណែកពលរដ្ឋ០៣នាក់ត្រូវបានទាហានថៃឃាត់ទុកបណ្តោះអា
សន្ននៅទីបញ្ជាការកងអនុ,ធំ១២០១ ឯអ្នកជូននាំផ្លូវដែលរងរបួសត្រូវបានទាហានថៃបញ្ជូនទៅមន្ទីរពេទ្យ ដើម្បី
លាងមុខរបួស។
លិខិតរៀបរាប់អោយដឹងទៀតថា នៅថ្ងៃទី២០ខែឧសភាឆ្នាំ២០២០ វេលាម៉ោង៧:៣០នាទី ពលរដ្ឋខ្មែរទាំង០៤នាក់ ត្រូវបានទាហានឈុតខ្មៅថៃប្រគល់ឲ្យកម្លាំងវរៈសេនាតូច៩១១ដែលមានឈ្មោះដូចខាងក្រោមៈ
១-ផាត់ ភ័ណ្ឌ ភេទប្រុស អាយុ៣១ឆ្នាំ មានទីលំនៅភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត (អ្នកនាំផ្លូវចូល)។
២-អ៊ូ សុខអៀងរិទ្ធ ភេទប្រុស អាយុ៣៨ឆ្នាំ មានទីលំនៅភូមិក្បាលស្ពាន២ សង្កាត់/ក្រុងប៉ោយប៉ែត ។
៣-ហឿ គឹមហុង ភេទស្រី អាយុ៤០ឆ្នាំមានទីលំនៅភូមិក្បាលស្ពាន១ សង្កាត់/ក្រុងប៉ោយប៉ែត ។
៤-ហឿ គឹមហុង ភេទស្រី អាយុ៤៣ឆ្នាំមានទីលំនៅភូមិក្បាលស្ពាន១ សង្កាត់/ក្រុងប៉ោយប៉ែត ។
ក្រោយពីកម្លាំងវរៈសេនាតូច៩១១បានធ្វើការសួនាំរួចបានប្រគល់បន្តអោយកម្លាំងអធិការក្រុងប៉ោយប៉ែតដើម្បី មាននីតិវិធីចាត់ចែងអនុវត្តន៍បន្ត ៕ ដោយ ៖ វណ្ណា
សូមអានលិខិតដេីមទាំងស្រុងដូចខាងក្រោមនេះ ៖
