ខេត្តសៀមរាប៖ ក្រោមការបញ្ជាផ្ទាល់ពីឧត្តម ប៉ោ វណ្ណនិត មេបញ្ចាការកងរាជអាវុធហត្ថខេត្តសៀមរាប ដោយមានការសហការណ៍ពីមន្ទីរយុត្តិធម៍ និងស្ថាប័ន ព្រះរាជអាជ្ញាអមសាលាដំបូងខេត្តសៀមរាប សមត្ថកិច្ចកងរាជអាវុធហត្ថខេត្តសៀមរាប ចុះបង្ក្រាបបានជនល្មើស លក់ជួញដូរនិងអ្នកប្រើប្រាស់គ្រឿងញៀនបានចំនួន៦នាក់ មានរយៈពេល៣ថ្ងៃដោយចាប់គិតថ្ងៃទី១៦ ខែមករា ឆ្នាំ២០១៦ វេលាម៉ោង១៧ និង៣០នាទីរហូតដល់ម៉ោង ៣ទាបភ្លឺ ថ្ងៃទី១៩ ខែមករាឆ្នាំ២០១៦នេះនៅចំណុចភូមិទក្សិណត្បូង សង្កាត់គោកចក ក្រុងសៀមរាប និងចំណុចភូមិបន្ទាយចាស់ សង្កាត់ស្លក្រាម ក្រុងសៀមរាប។
លទ្ធផលទទួលបានដោយឃាត់ខ្លួនជនល្មើស៦នាក់ ម្សៅគ្រើមពណ៍ថ្លា ម៉ាទឹកកកចំនួន១១កញ្ចប់ ស្មើរ៥,៨៦ក្រាម ម៉ូតូ៦គ្រឿង ទូរស័ព្ទ៦គ្រឿង និងសម្ភារៈសម្រាប់វេចខ្ចប់ និងជក់មួយចំនួនទៀត។
ជនល្មើស ទី១ឈ្មោះឈឹម នី ភេទប្រុស អាយុ២៦ឆ្នាំ រស់នៅភូមិបន្ទាយចាស់ ទី២ឈ្មោះទិន សុវណ្ណធារិទ្ធ ភេទប្រុស អាយុ២២ឆ្នាំរស់នៅភូមិ បន្ទាយចាស់ ទី៣ឈ្មោះ ម៉េង រតនា ភេទប្រុស អាយុ២៧ឆ្នាំ រស់នៅភូមិស្វាយដង្គុំ ទី៤ឈ្មោះ ប៊ូ បញ្ញា ភេទប្រុស អាយុ២២ឆ្នាំ រស់នៅភូមិត្រពាំងសេះ ទី៥ឈ្មោះ ហែម និមល ភេទប្រុស អាយុ២៣ឆ្នាំរស់នៅភូមិទក្សិណត្បូង និងទី៦ឈ្មោះ សៀងសុធារ៉ា ភេទប្រុស អាយុ២៣ឆ្នាំរស់នៅភូមិ សាលាកន្សែង ទាំង៦នាក់រស់នៅក្នុងសង្កាត់ ស្លក្រាម សង្កាត់គោកចក សង្កាត់ស្វាយដង្គុំ ។
ក្រោយពីសមត្ថកិច្ចចាប់បានហើយ និងកសាងសំណុំរឿងដើម្បីបញ្ចូនទៅសាលាដំបូងខេត្តសៀមរាប ដើម្បីចាត់ការតាមច្បាប់ ៕
ដោយ៖ ប៊ុន រិទ្ធី
