ខេត្តកំពង់ចាម ៖ នារីពេញវ័យក្រមុំម្នាក់ អាចសង្ស័យថាមានវិបត្តិអ្វីម្យ៉ាងបានចុះពីលេីម៉ូតូធូដេពណ៌ក្រហមដេីរតម្រង់មកលេីស្ពានកោះប៉ែនរួចលោតពីលេីស្ពានបំណងសម្លាប់ខ្លួន បណ្តាលអោយសន្លប់ តែត្រូវបានសមត្ថកិច្ចដែលល្បាតបំពេញភារកិច្ចក្នុងមូលដ្ឋានឃេីញជួយអន្តរាគមន៍ដឹកនាំមក សង្គ្រោះនៅមន្ទីរពេទ្យ រួចអប់រំ ណែនាំថែមទាំងជួយថវិកាដេីម្បីរស់បន្តដំណេីរ ទៅមុខទៀត ។
ហេតុការណ៍នេះកេីតឡេីងកាលពីយប់វេលាម៉ោង២២៖នាទី នៅថ្ងៃទី២៤ ខែ ឧសភា ឆ្នាំ២០២០ ស្ថិតក្នុងភូមិព្រែកដើមចាន់ សង្កាត់សំបួរមាស ក្រុងកំពង់ចាម ខេត្តកំពង់ចាម ។
លោកវរសេនីយ៍ឯក អ៉ឹង ប៊ុន អធិការដ្ឋាននគរបាលក្រុងកំពង់ចាមអោយដឹងថា ជាធម្មតាកម្លាំងសមត្ថកិច្ចរបស់លោក តែងបំពេញភារកិច្ចចុះល្បាតក្នុងភូមិសាស្ត្រក្រុងកំពង់ចាម ស្រាប់តែនៅចំណុចស្ពានកោះប៉ែន ស្ថិតក្នុងភូមិព្រែកដើមចាន់ សង្កាត់សំបួរមាស ក្រុងកំពង់ចាម ខេត្តកំពង់ចាម ពីដើមស្ពានខាងលិចចម្ងាយប្រហែល១00ម៉ែត្រ បានឃើញមនុស្សស្រីម្នាក់លោតពីលើស្ពានកោះប៉ែន ឃេីញដូច្នេះកម្លាំង សមត្ថកិច្ចបានដឹកមកសង្គ្រោះនៅមន្ទីរ ពេទ្យ ។
លោកវរសេនីយ៍ឯក អ៉ឹង ប៊ុន បន្តថា ករណីនេះលោកបានចុះផ្ទាល់ បញ្ជាអោយកម្លាំងល្បាតនៅគោលដៅនោះ សហការជាមួយកម្លាំងនគរបាលប៉ុស្តិ៍រដ្ឋបាលសំបួរមាស កម្លាំងប៉ុស្តិ៍រដ្ឋបាលវាលវង់ កម្លាំងប្រជាការពារ និងប្រជាពលរដ្ឋ ធ្វើការអន្តរាគមន៍សង្គ្រោះ ស្រង់អ្នករងគ្រោះ លោកអធិការបានបញ្ជូនជនរងគ្រោះ តាមរថយន្តរបស់អធិការដ្ឋាន ទៅសង្គ្រោះនៅមន្ទីរពេទ្យខេត្តកំពង់ចាម បានទាន់ពេលវេលា ។
លោកអោយដឹងទៀតថា អ្នករងគ្រោះឈ្មោះ ទ្រី សុខហេង អាយុ២១ឆ្នាំ ស្នាក់នៅបន្ទប់ជួលភូមិទី២ សង្កាត់វាលវង់ ក្រុងកំពង់ចាម ខេត្តកំពង់ចាម។
ចំពោះមូលហេតុ លោកអធិការពុំទាន់ដឹងច្បាស់លាស់ ប៉ុន្តែលោកគ្រាន់ដាក់ការ សង្ស័យអាចមានវិបត្តិផ្លូវចិត្តណាមួយមិន ខាន ។ លោកថា នារីរងគ្រោះពុំទាន់និយាយកើត និងគ្មានសាច់ញាតិនៅក្បែរ(មានមិត្តភ័ក្តម្នាក់នៅមើលថែ) លោកអធិការបានជូនថវិកាមួយចំនួន ដើម្បីដោះស្រាយបន្ទុកខ្លះផងដែរ និង កំពុងផ្សព្វផ្សាយរកសាច់ញាតិ ។
បច្ចុប្បន្ន ជនរងគ្រោះ កំពុងសម្រាកព្យាបាលតាមដាន នៅមន្ទីរពេទ្យខេត្តកំពង់ចាម ៕ ដោយ ៖ វណ្ណៈ
