ភ្នំពេញ៖មានករណីគ្រោះថ្នាក់ចរាចរណ៍មួយ ដោយរថយន្តដឹកជ្រូកបើកបុករះរថយន្តដឹកកម្មករដែលកំពុងឈប់ស្តុប «បាគូ» សង្កាត់ដង្កោ ខណ្ឌដង្កោ បណ្តាលអោយកម្មករចំនួន១០នាក់ រងរបួសធ្ងន់ស្រាល នៅព្រឹកថ្ងៃទី២៧ ខែឧសភា ឆ្នាំ២០២០ នេះ ។ ក្រោយកើតហេតុ ជនបង្កបានរត់គេចខ្លួន ។

នាយផ្នែកចរាចរណ៍ខណ្ឌដង្កោ លោក ម៉ាង សំរិទ្ធ ថ្លែងប្រាប់ថា ករណីនេះ បណ្តាលអោយកម្មករចំនួន១០នាក់ រងរបួសធ្ងន់ស្រាល ហើយជនបង្កបានរត់គេចខ្លួន ។ បច្ចុប្បន្ន នគរបាលកំពុងចាត់ការតាមនីតិវិធីលើករណីនេះ ៕