ភ្នំពេញ៖ ជនសង្ស័យម្នាក់ ត្រូវកម្លាំងព្រហ្មទណ្ឌខណ្ឌ៧មករា សហការជាមួយនគរបាលប៉ុស្តិ៍មនោរម្យដោយមានការសង្ស័យ ក៏ហៅឱ្យឈប់រួចឆែកឆេរខ្លួនឃើញគ្រឿងញឿន១កញ្ចប់តូច ។
ហេតុការណ៍នេះកើតឡើងកាលពីវេលាម៉ោង៤និង១០នាទីរសៀល ថ្ងៃទី១៩ ខែមករា ឆ្នាំ២០១៦ នៅចំណុចផ្លូវឌូងហែលេខ១២៨ ស្ថិតក្នុងសង្កាត់មនោរម្យ ខណ្ឌ៧មករា រាជធានីភ្នំពេញ ។
ជនសង្ស័យមានឈ្មោះ អ៊ុក សុខភ័ត្រា ភេទប្រុសអាយុ២៣ឆ្នាំ ស្នាកនៅ និងមុខរបរមិនពិតប្រាកដ ។
ប្រភពពត័មានពីសមត្ថកិច្ចបានឲ្យដឹងថា មុនពេលកើតហេតុ កម្លាំងសមត្ថកិច្ចកំពុងល្បាតនៅតាមផ្លូវក្នុងមូលដ្នានរបស់ខ្លួន ស្រាប់តែប្រទះឃើញជនសង្ស័យម្នាក់ខាងលើ ខណៈមកដល់ចំណុចកើតហេតុ ជនសង្ស័យហាក់ដូចជាមានការភ័យ ហើយបម្រុងជិះគេចខ្លួនធ្វើឲ្យសមត្ថកិច្ចមានការសង្ស័យ ក៏បាននាំគ្នាដេញតាមពីក្រោយហើយក៏បានហៅជនសង្ស័យឱ្យឈប់ នៅតែមិនឈប់ទៀត ក្រោយមកកម្លាំងសមត្ថកិច្ចក៏បានស្ទាក់ចាប់បានរួចឆែកឆេរខ្លួន ទើបរកឃើញគ្រឿងញៀន១កញ្ចប់តូច ។
បច្ចុប្បន្ន ជនសង្ស័យរួមទាំងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅអធិការដ្នាននគរបាលខណ្ឌ៧មករា ៕
ដោយ៖ ស រស្មី
