សារព័ត៌មាន Bloomberg នៅថ្ងៃទី១ខែមិថុនា បានផ្សាយថា រដ្ឋាភិបាលចិន បានបញ្ជាដល់បណ្តាក្រុមហ៊ុន ផ្អាកទិញផលិតផលកសិកម្មពីអាមេរិក ដោយសារតែការប្រឈមមុខតានតឹងដាក់គ្នារវាងប្រទេសទាំងពីរ។
ក្រុមហ៊ុនចិនដែលទិញផលិតផលកសិកម្មពីអាមេរិក រួមមានក្រុមហ៊ុន Cofco និង Sinograin តែពេលនេះត្រូវបានរដ្ឋាភិបាលស្នើឲ្យផ្អាកទិញពីអាមេរិក ជាបណ្តោះអាសន្ន។ ជាមួយគ្នានេះក្រុមហ៊ុនរដ្ឋរបស់ចិនបានលុបចោល ការបញ្ជាទិញ សាច់ជ្រូកពីអាមេរិកផងដែរ។
សកម្មភាពខាងលើរបស់ ចិនកើតឡើងក្រោយពេល ប្រទេសទាំងពីរប្រឈមមុខតានតឹងកាន់តែខ្លាំង ពិសេសគឺកិច្ចព្រមព្រៀង ពាណិជ្ជកម្មដំណាក់កាលទីមួយប្រឈមនិងការ លុបចោល។
តាមរបាយការណ៍របស់មជ្ឈមណ្ឌុល ស្រាវជ្រាវយុទ្ធសាស្ត្រអន្តរជាតិ CSIS បានលើកឡើងថាការនាំចេញផលិតផល អាមេរិក មានទាំងថាមពល កសិកម្ម ទេសចរណ៍ទៅកាន់ចិន គិតជាទឹកប្រាក់មានតែ៥៧ពាន់លានដុល្លារ គឺតិចជាងគោលដៅដែលបានកំណត់ទុក ក្នុងកិច្ចព្រមព្រៀងដំណាក់កាលទីមួយ គឺចិនត្រូវតែទិញផលិតផលកសិកម្មពីអាមេរិក មានទឹកប្រាក់រហូតដល់២០០ពាន់លានដុល្លារ។
ការសម្រេចផ្អាកទិញផលិតផលកសិកម្មរបស់អាមេរិក កើតឡើង ក្រោយពេលដែល អាមេរិក លូកដៃ កិច្ចការផ្ទៃក្នុងរបស់ចិន នោះគឺបញ្ហាកោះហុងកុង ក៏ដូចជា ការឆ្លងរាលដាល កូវីដ១៩ ដែលអាមេរិក ទមា្លក់ទៅលើចិនឲ្យទទួលខុសត្រូវ៕
