ស្ត្រីបាតុករម្នាក់កំពុងប្រឈមបញ្ហាចំពោះមុខច្បាប់ក្នុងរដ្ឋPhiladelphia ក្រោយពីស្ត្រីរូបនេះបានដុតរថយន្តប៉ូលិស។ ហេតុការណ៍ខាងលើកើតឡើងពេល ដែលគាត់ចូលរួមបាតុកម្មប្រឆាំងការរើសអើងជាតិសាសន៍ក្រោយការស្លាប់ជនជាតិស្បែកខ្មៅ George Floyd ។
ស្ត្រីដែលដុតរថយន្តប៉ូលិសមានឈ្មោះLore-Elisabeth Blumenthal អាយុ៣៣ឆ្នាំ ស្ថិតនៅក្នុងចំណោមបាតុករដៃដល់បំផ្លាញរថយន្តរបស់កម្លាំងប៉ូលិស។ រថយន្តប៉ូលិសពីរគ្រឿងប្រភេទ sedan និង SUV ចតនៅជិត City Hall ត្រូវបាតុករដុតបំផ្លាញ។
រូបភាពបានបង្ហាញឲ្យឃើញថា ក្រុមបាតុករបានពាក់ម៉ាស់ ហើយប្រើប្រាស់វត្ថុរឹងវាយកម្ទេចរថយន្តប៉ូលិស រួចដុតចោលតែម្តង។ ការចាប់បានជនដៃដល់ ក៏ជារឿងចៃដន្យ ដោយសារតែក្រុម FBI បានមើលឃើញរូបភាពដុតរថយន្តបង្ហោះលើបណ្តាញសង្គម Telegram ហើយប៉ូលិសក៏បានស្រាវជ្រាវរកឃើញ។
តាមច្បាប់នៅក្នុងរដ្ឋPhiladelphia ស្ត្រីដៃដល់ខាងលើ អាចប្រឈមនឹងការជាប់គុក ៨ឆ្នាំ និងផាកពិន័យជាប្រាក់រហូតដល់ទៅ ៥សែនដុល្លារ៕
