ភ្នំពេញ៖ ស្ត្រីម្នាក់ដោយសារជំពាក់លុយគេ១៦០ដុល្លារគេទារព្រឹកទារល្ងាចរាល់ថ្ងៃពេកគ្មានលុយសង ធុញថប់ក្នុងចិត្តពេកក៏សម្រេចិត្តមកលោតទឹកសម្លាប់ខ្លួន។
ហេតុការណ៍នេះបានកើតឡើងកាលពីម៉ោង១១និង៣០នាទីព្រឹកថ្ងៃទី២៦ ខែមិថុនា ឆ្នាំ២០២០ស្ថិតនៅចំណុចគល់ស្ពានបាឡេ ក្នុងភូមិដេីមគ សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។
ស្រ្តីដែលប៉ងលោតទឹកសម្លាប់ខ្លួនមាន ឈ្មោះយ៉េត អាយុជាង៣០ឆ្នាំ ស្នាក់នៅភូមិព្រែកតាសេក សង្កាត់ព្រែកតាសេក ខណ្ឌជ្រោយចង្វា រាជធានីភ្នំពេញ។
ប្រភពព័ត៌មាននៅកន្លែងកើតហេតុបានឲ្យដឹងថា ស្ត្រីដែលប៉ងលោតទឹកសម្លាប់ខ្លួនបានខ្ចីលុយគេចំនួន១៦០ដុល្លារ ក្រោយមកគ្មានលុយសងគេត្រូវបានគេមកទារព្រឹក ទារល្ងាច ស្ទេីរតែរៀងរាល់ថ្ងៃ ដោយខ្លួនគ្មានលុយសងគេក៏សម្រេចចិត្តមកលោតទឹកសម្លាប់ខ្លួនពីលេីស្ពានបាឡេនេះតែម្តង។
ប្រភពបន្តថា លុះស្ត្រីខាងលេីដេីរបណ្តេីរយំបណ្តេីរនៅខាងកេីតស្ពានបាឡេ ក៏មានបុរសអ្នកលក់អីវ៉ាន់តាមរទេះរុញបានមកសួរថា(កេីតអីបានជាយំ? ហេីយស្ត្រីខាងលេីឆ្លេីយថាចង់ងាប់)។ពេលនោះបុរសអ្នកលក់អីវ៉ាន់នោះបានប្រាប់សន្តិសុខដែលយាមនៅក្បែរគល់ស្ពាននោះឲ្យជួយឃាត់កុំឱ្យស្ត្រីនោះទៅលោតទឹក។ពេលឃាត់រួចសន្តិសុខក៏រាយការណ៍ប្រាប់សមត្ថកិច្ចឲ្យចុះមកកន្លែងកេីតហេតុ។
បន្ទាប់ពីកេីតហេតុសមត្ថកិច្ចបានទាក់ទងសាច់ញាតិឱ្យមកទទួលយកស្ត្រីរូបនេះត្រឡប់ទៅផ្ទះវិញ៕ជ្រោយពេជ្រ
