ក្លឹបកំពុងលេងនៅលីកទី២របស់ប្រទេសអ៊ីតាលី Benevento ត្រូវបានកក់កៅអីឡើងទៅកាន់ក្របខ័ណ្ឌ Serie A ដោយ បន្ទាប់ពីពួកគេបានផ្តួលក្រុម Stabia ១-០ កាលពីថ្ងៃចន្ទ។ នេះបើយោងតាមការចេញផ្សាយរបស់ BBC Sport នៅព្រឹកថ្ងៃអង្គារនេះ។

ក្លឹប Benevento ដែលត្រូវបានបង្វឹកដោយលោក Filippo Inzaghi ដែលជាអតីតម្ចាស់ជើងឯកបាល់ទាត់ពិភពលោករបស់ FIFA បានឈរនៅលើកំពូលតារាងអ៊ីតាលី Serie B ចាប់តាំងពីការប្រកួតជុំទី១០ ហើយត្រូវបានកក់កៅអីឡើងទៅលេងក្របខ័ណ្ឌអ៊ីតាលី Serie A រដូវកាល២០២០-២០២១។

ក្រុម Benevento បានទទួល២៤ពិន្ទុលើក្រុមលេខ២ Crotone បន្ទាប់ពីការប្រកួតកាលពីថ្ងៃចន្ទក្រុមនេះបានឈ្នះពាន Serie B ដោយនៅសល់៧ប្រកួតទៀតចប់រដូវកាលដែលមានន័យថា ពួកគេនឹងមានបទពិសោធន៍ទៅលេងនៅលីកកំពូល Serie A បន្ទាប់ពីការបង្ហាញខ្លួនលើកដំបូងនៅរដូវកាល២០១៧-២០១៨ ៕