ភ្នំពេញ​៖សមត្ថកិច្ចនគរបាលខណ្ឌឬស្សីកែវឃាត់ខ្លួនជនសង្ស័យម្នាក់ករណីលួចម៉ូតូ នៅម៉ោង៩យប់ថ្ងៃទី២៩ ខែមិថុនា ឆ្នាំ២០២០ នៅចំណុចភូមិផ្សារតូច សង្កាត់ទួលសង្កែ១ ខណ្ឌឫស្សីកែវ ។

លោកហ៊ាង ថារ៉េត អធិការនគរបាលខណ្ឌឬស្សីកែវបានឲ្យដឹងថាជនសង្ស័យមានឈ្មោះ ថន យូ អាយុ២៦ ឆ្នាំជនជាតិខែ្មរ មានទីលំនៅសា្នក់នៅសំណង់មិនរៀបរយ ភូមិផ្សារតូច សង្កាត់ទួលសងែ្ក១ ខណ្ឧឫស្សីកែវ (មានសារធាតុញៀន ចំណែកបក្ខពួកម្នាក់ទៀតរត់គេចខ្លួន។ រីឯជនរងគ្រោះឈ្មោះ លឹម សេងឡុង ភេទប្រុស អាយុ ១៩ឆ្នាំ មុខរបរ និសិត្ស មានទីលំនៅ ស្នាក់នៅសាលាកសិកម្មព្រែកលាប ភូមិព្រែកលាប សង្កា ព្រែកលាប ខណ្ឧ ជ្រោយចង្វារ រាជធានីភ្នំពេញ ។
សំភារះបាត់បង់រួមមាន ម៉ូតូ១គ្រឿងម៉ាកហុងដាសេ១២៥ ពណ៌ ខ្មៅ ផ្លាកលេខ កំពង់ចាម 1F 6602

លោកអធិការបន្តថា នៅថ្ងៃទី២៨ ខែមិថុនា ឆ្នាំ២០២០ម៉ោង ១១យប់ ជនរងគ្រោះបានជិះម៉ូតូមកទុកនៅចំណុចកើតហេតុរួចចុះទៅមាត់ទន្លេបាត់ក៏មានជនសង្ស័យ០២នាក់បានធ្វើសកម្មភាពលួចម៉ូតូបាត់ក្រោយមកជនរងគ្រោះបានមកដាក់ពាក្យបណ្តឹង។បន្ទាប់ពីទទួលបណ្តឹងសមត្ថកិច្ចបានស្រាវជ្រាវរហូតកំណត់បានមុខសញ្ញាឈានទៅឃាត់ខ្លួនបានជនសង្ស័យម្នាក់ នៅចំណុចភូមិ ផ្សារតូច សង្កាត់ទួលសង្កែ១ ខណ្ឌឫស្សីកែវ យកមកសួរនាំនិងចាត់ការតាមនិតិវីធី ។ចំណែកជនសង្ស័យម្នាក់ទៀតគេចខ្លួនបាត់ ។

បន្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឬស្សីកែវ និង
ស្រាវជ្រាវរកបក្ខពួកបន្ត ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធី៕ជ្រោយពេជ្រ