ខេត្តពោធិ៍សាត់ ៖ មិនទុកយូរចាំស្អែកទេ ក្រោយផ្លាស់ប្តូរតំណែងមកកាន់ជានាយសង្កាត់រដ្ឋបាលជលផលក្រគរ និងកណ្ដៀង ចុះ បង្រ្កាបបាន១ករណីដើម្បីសាកល្បង ខណៈល្បីថាបទល្មើសកើតមានច្រើនក្នុងស្រុកកណ្ដៀង ខេត្តពោធិ៍សាត់ ។
ជាក់ស្ដែង លោក នាយសង្កាត់រដ្ឋបាលជលផលកណ្ដៀងដឹកនាំមន្រ្តីជំនាញក្រោមឱវាទ រួមសហការយោធាតំបន់ប្រតិបត្តិការសឹករងខេត្តពោធិ៍សាត់ ចុះបង្រ្កាបបទល្មើសនេសាទប្រភេទឧបករណ៍ប្រឹស១០០ នៅចំណុចពាមព្រែកតាមលែង ស្ថិតនៅភូមិ.ឃុំរាំងទិល ស្រុកកណ្ដៀង ខេត្តពោធិ៍សាត់ ។
កំលាំងសហការប្រាប់ថា លទ្ធផល ៖ បង្រ្កាបបាន១ករណីឧបករណ៍ប្រភេទប្រឹស១០០ ចំនួន ៣០គ្រឿង និងត្រីចំរុះខូចគុណភាពទម្ងន់ចំនួន ៥០គីឡូក្រាម ចំពោះឧបករណ៍ជាវត្ថុតាងបំផ្លាញនៅនឹងកន្លែង ។
សូមរំលឹកថា ម្សិលម្ង៉ៃថ្ងៃសុក្រ ៤កើត ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៤ ខែកក្កដា ឆ្នាំ២០២០ កន្លងទៅនេះ មានកិច្ចផ្លាស់ប្ដូររវាងនាយសង្កាត់រដ្ឋបាលជលផលក្រគរ និងកណ្ដៀង ។
ប្រជាពលរដ្ឋសូមសម្តែងការអបអរចំពោះចំណាត់ការបង្ក្រាបខាងលេីនេះ តែសូមអោយក្លាយជាកិច្ចការដូចភ្លៀងរលឹម ៕ ដោយៈ បុឹម ពិន
