រដ្ឋ​វិចទ័ររៀប្រទេសអូស្ត្រាលី ប្រកាសស្តីពី “ស្ថានភាពគ្រោះមហន្តរាយ” បង្កឡើងដោយកូវីដ​១៩

ចែករំលែក៖

អភិបាលរដ្ឋ​វិចទ័ររៀ ប្រទេសអូស្ត្រាលី​លោក ​Daniel Andrews នៅថ្ងៃទី០​២ ខែសីហា បានប្រកាសពី “ស្ថានភាពគ្រោះមហន្តរាយ” នៅក្នុងរដ្ឋនេះ​​។ ទន្ទឹមនឹងនោះ ក៏បានឡើងគម្រោងបិទរដ្ឋទាំងមូល​​ដើម្បីទប់ស្កាត់ ការឆ្លងកូវីដ​១៩​។
អូស្ត្រាលី បានបញ្ជូនក្រុមគ្រូពេទ្យ​ជាបន្ទាប់ ទៅកាន់រដ្ឋវិចទ័ររៀក្រោយមានករណីឆ្លងរាលដាលច្រើន។ គិតចាប់ពី​ម៉ោង​៦យប់ថ្ងៃទី​២ខែកក្កដា​ អភិបាលរដ្ឋវិចទ័ររៀនឹងប្រកាសពី​”ស្ថានភាពគ្រោះមហន្តរាយ” នៅទូទាំងរដ្ឋ។ សកម្មភាពខាងលើកើតឡើង​ក្រោយពេលរដ្ឋនេះមានករណីឆ្លងដល់ទៅ​៦៧១នាក់ ក្នុងរយៈពេល​២៤ម៉ោង ។​
អភិបាលរដ្ឋ​វិចទ័ររៀលោក ​​Daniel Andrews បានបញ្ជាក់ថា​«ការប្រកាសស្តីពីស្ថានភាពគ្រោះមហន្តរាយ គឺជាការបន្ថែម ទៅលើ​ច្បាប់អាសន្ន ដែលកំពុងអនុម័ត ដើម្បីពង្រឹងការទប់ស្កាត់ឆ្លងកូវីដ​១៩​កាន់តែមានប្រសទ្ធភាព»
រដ្ឋវិចទ័ររៀ មានពលរដ្ឋរស់នៅច្រើនលំដាប់ទីពីរនៅអូស្ត្រាលី មានករណីឆ្លងកូវីដ​១៩ ដល់ទៅ ​១១ ៥៥៧ នាក់ គិតដល់ថ្ងៃទី​២ខែសីហា ដោយភាគច្រើនឆ្លងនៅទីក្រុងម៉ែលប៊ន ។
នៅទីក្រុងម៉ែលប៊ន ពលរដ្ឋ​មានសិទ្ធិចេញក្រៅផ្ទះ​ចាប់ពីម៉ោង​៨យប់ដល់ម៉ោង​៥ព្រឹក ក្នុងករណីចាំបាច់ ។ ជាមួយគ្នានេះ សិស្សសាលាទាំងអស់ងាកមកសិក្សាតាមប្រព័ន្ធអនឡាញវិញ៕


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print