នៅថ្ងៃទី​១២ ខែសីហា​ អង្គការសហប្រជាជាតិបានអនុញ្ញាតឲ្យមន្ត្រីក្នុងខេត្ត​Gyeonggi ប្រទេសកូរ៉េខាងត្បូង​ ផ្តល់ជំនួយដល់កូរ៉េខាងជើង​។
ការសម្រេចលើកលែងទណ្ឌកម្មខាងលើរបស់អង្គការសហប្រជាជាតិ​គឺមានប្រសិទ្ធភាពរយៈពេល​៦ខែ រហូតដល់ថ្ងៃទី​៤ ខែកុម្ភៈ ឆ្នាំ​២០២១។ ​​ក្រោយការអនុញ្ញាតខាងលើ កូរ៉េខាងត្បូងនឹងផ្តល់ជំនួយដល់កូរ៉េខាងជើងនូវសម្ភារ បរិក្ខារជួយដល់ពលរដ្ឋងាយរងគ្រោះ​នៅក្នុងខេត្តNampo និង Nam Pyongan ។
ខេត្តGyeonggi របស់កូរ៉េខាងត្បូង ជាប់ព្រំដែនកូរ៉េខាងជើង ហើយមន្ត្រីក្នុងខេត្តនេះ​មានភាពសកម្មនៅក្នុងទំនាក់ទំនងមិត្តភាពតាមព្រំដែននៃប្រទេសកូរ៉េទាំងពីរ​។ ប៉ុន្តែ ដោយសារតែទណ្ឌកម្ម​របស់អង្គការសហប្រជាជាតិ​បានធ្វើឲ្យសកម្មភាពផ្តល់ជំនួយមនុស្សធម៌ ទៅកាន់ខេត្តជាប់ព្រំដែនគ្នាជួបផលលំបាកយ៉ាងខ្លាំង​។​ នៅពេលនេះអង្គការសហប្រជាជាតិបានលើកលែងទណ្ឌកម្ម គឺជារឿងល្អប្រសើរបំផុតសម្រាប់ខេត្តព្រំដែន បង្កើនទំនាក់ទំនងឱ្យកាន់តែប្រសើរ។
ពលរដ្ឋកូរ៉េខាងជើង ប្រឈមនិឹងកង្វះស្បៀងអាហារ ដោយសារតែគ្រោះធម្មជាតិ ហើយកុមារជាច្រើនប្រឈមកង្វះអាហារូបត្ថម្ភ។​ ជាមួយគ្នានេះអង្គការសហប្រជាជាតិ​បានលើកលែងទណ្ឌកម្ម​ដល់បណ្តាអង្គការមនុស្សធម៌នានាអាចបញ្ជូនជំនួយដល់កូរ៉េខាងជើង​ ពិសេសគឺបរិក្ខារពេទ្យទប់ស្កាត់ឆ្លងកូវីដ​-១៩ ៕