នៅក្នុងការបោះឆ្នោតជាបឋមដើម្បីជ្រើសរើសបេក្ខភាពប្រធានាធិបតីតំណាង ឱ្យគណបក្សសាធារណរដ្ឋមហាសេដ្ឋី ដូណាល់ ត្រាំ មិនទទួលបានជោគជ័យ នោះឡើយក្នុងជំហានដំបូង ។ លោក ដូណាល់ ត្រាំ បរាជ័យទៅហើយក្រោមគូ ប្រជែងរបស់ខ្លួន។
បក្ខភាពគណបក្សសាធារណរដ្ឋលោក Ted Cruz បាននាំមុខលើមហាសេដ្ឋី អចលនទ្រព្យ ក្នុងការបោះឆ្នោតជ្រើស រើសបក្ខភាពប្រធានាធិបតីនៅក្នុងរដ្ឋ Iowa កាលពីថ្ងៃទី២ ខែកុម្ភៈ ទាំងនោះ ជាការខកចិត្ដយ៉ាងខ្លាំងសម្រាប់លោក ដូណាល់ ត្រាំ ក្នុងការប្រកួតប្រជែង ចូលកាន់តំណែងនៅសេតវិមាន ។
ការបោះឆ្នោតជាបឋមដើម្បីជ្រើស សើបេក្ខភាពប្រធានធិបតីមហាសេដ្ឋី ដូណាល់ ត្រាំ ទទួលបរាជ័យក្រោមគូ ប្រជែងរបស់ខ្លួនមកពីគណបក្សសាធារណរដ្ឋដូចគ្នាគឺលោក Ted Cruz តំណាង រាស្ដ្រមកពីរដ្ឋតិចសាស។ លោកមហា សេដ្ឋី ដូណាល់ ត្រាំ ទទួលបានការគាំទ្រ តែ២៤ភាគរយប៉ុណ្ណោះចំណែកគូប្រជែងមានសំឡេងគាំទ្រដល់ទៅ២៨ភាគរយ ។
ចំណែកគណបក្សប្រជាធិបតេយ្យវិញ អតីតរដ្ឋមន្ដ្រីក្រសួងការបទេសអាមេរិក លោកស្រីហ៊ីលឡារី គ្លីនតុន នាំមុខក្នុង គណបក្សរបស់ខ្លួនគឺមានសំឡេងគាំទ្រ ដល់ទៅ៥០ភាគរយ ចំណែកគូប្រជែង តាមប្រកៀកប្រកិតពីក្រោយដោយមានសំឡេងគាំទ្រ៤៩ភាគរយ ។
ពលរដ្ឋនៅក្នុងរដ្ឋ Iowa បាននាំគ្នា ទៅបោះឆ្នោតយ៉ាងច្រើនដើម្បីជ្រើសរើស បេក្ខភាពដែលខ្លួនស្រឡាញ់សម្រាប់ តំណែងប្រធានាធិបតីអាមេរិក ។
លទ្ធផលខាងលើគ្រាន់តែជាការបោះ ឆ្នោតក្នុងរដ្ឋមួយប៉ុណ្ណោះក្នុងចំណោមរដ្ឋទាំង៥០នៅអាមេរិក។ គេមិនទាន់អាច សន្និដ្ឋានបានថា បេក្ខភាពណាមួយនឹង ក្លាយជាតំណាងឱ្យគណបក្សរបស់ខ្លួនក្នុងការប្រកួតប្រជែងបោះឆ្នោតជាផ្លូវការសម្រេចនាពេលខាងមុខ។ ប៉ុន្ដែអ្នក វិភាគជាច្រើនជឿជាក់ថា នៅទីបំផុត មានតែបេក្ខភាព២រូបប៉ុណ្ណោះដែលមាន សមត្ថភាពខ្ពស់ទទួលបានសំឡេងគាំទ្រ ច្រើននោះគឺលោកស្រីហ៊ីលឡារី គ្លីនតុន និងមហាសេដ្ឋីដូណាល់ ត្រាំ ៕
ប្រែសម្រួល៖ ម៉ែវ សាធី
