ភ្នំពេញ៖ បុរសម្នាក់ចេញពីកន្លែងផឹកស៊ីបេីករថយន្តក្នុងល្បឿនលឿនទៅដល់ចំណុចផ្លូវបំបែកជាបួនមិនបន្ថយល្បឿនក៏ជ្រុលទៅបុករថយន្តស៊េរីទំនេីបមួយគ្រឿងទៀតបណ្តាលឲ្យរងការខូចខាតហេីយរថយន្តបង្កបន្តទៅបុកបង្គោលភ្លេីងមួយ
ដេីមទៀតបាក់គាបជាប់ទៅមុខលែងរួចបណ្តាលឲ្យអ្នកបើកបររថយន្តបង្ករងរបួសបែកមុខបែកមាត់។
ហេតុការណ៍នេះបានកេីតឡេីងកាលពីវេលាម៉ោង១១និង៣០នាទីយប់ថ្ងៃទី៨ ខែកញ្ញា ឆ្នាំ២០២០ នៅខាងជេីងផ្សារក្រមួន តាមបណ្តោយផ្លូវលេខ១០០៧កែងផ្លូវលេខ១៩៧២ ស្ថិតក្នុងសង្កាត់ភ្នំពេញថ្មី ខណ្ឌសែនសុខ។
តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តម៉ាក Alphard ពណ៌ស ពាក់ស្លាកលេខភ្នំពេញ2BB-6180 បេីកបរដោយបុរសម្នាក់ធ្វេីដំណេីរតាមបណ្តោយផ្លូវលេខ១០០៧ ក្នុងទិសដៅពីជេីងទៅត្បូងខណៈមកដល់ចំណុចកេីតហេតុកែងផ្លូវលេខ១៩៧២ រថយន្តនេះបំណងបត់ស្តាំតែភ្លាមៗនោះមានបុរសម្នាក់ស្រវឹងជោកបានបេីករថយន្តតូយ៉ូតា តាកូម៉ា ពណ៌ក្រហម ពាក់ស្លាកលេខភ្នំពេញ2B -7269 ធ្វេីដំណេីរតាមបណ្តោយផ្លូវលេខ១៩៧២ ក្នុងទិសដៅពីលិចទៅកេីតក្នុងល្បឿនលឿនក៏ជ្រុលទៅបុករថយន្តស៊េរីទំនេីបបញ្ឆិតពីមុខបណ្តាលឲ្យធ្លាក់កាង រួចរថយន្តបង្កបន្តទៅបុកបង្គោលភ្លេីងមួយដេីមទៀតគាបជាប់ទៅមុខលែងរួចធ្វើឲ្យតៃកុងរងរបួសបែកមុខមាត់។
បេីតាមសម្តីម្ចាស់រថយន្តបង្កបានឲ្យដឹងថា មុនពេលកេីតហេតុរូបគាត់ទេីបចេញពីកន្លែងផឹកស៊ីនៅម្តុំផ្លូវលេខ២០០៤ បំណងទៅផ្ទះដោយបេីករថយន្តក្នុងលឿនលឿនចាប់ហ្វ្រ័ងមិនទាន់ក៏ជ្រុលទៅបុករថយន្តនិងបង្គោលភ្លេីងបែបនេះតែម្តង។
ក្រោយកេីតហេតុសមត្ថកិច្ចមូលដ្ឋានបានចុះទៅដល់ចំណុចកេីតហេតុនិងឃាត់ម្ចាស់រថយន្តបង្ករួចទាក់ទងទៅជំនាញមកធ្វេីការវាស់វែងរថយន្តទាំង២គ្រឿងយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋានរាជធានីភ្នំពេញរង់ចាំដោះស្រាយតាមច្បាប់៕
ដោយ៖ សុខាសែនជ័យ
