ខេត្តកំពង់ស្ពឺ៖នៅចំណុចភូមិបៀតសូរ ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ កាលពីថ្ងៃទី១៤ ខែកញ្ញា ឆ្នាំ២០២០ វេលាម៉ោង១៤៖១០នាទី មានរថយន្ដ ម៉ាក FUSO ពណ៌ខៀវ ពាក់ផ្លាកលេខតាកែវ 3A-0504 របស់ ក្រុមហ៊ុនដឹកជញ្ជូន L.M.H បើកបរដោយឈ្មោះ ចឹក អ៊ីន ភេទប្រុស អាយុ២៥ឆ្នាំ បើកបរពីត្បូងទៅជើង ។

ពេលមកដល់ចំណុចផ្លូវចូលក្លោងទ្វារ វត្តគន្ធបុប្ផារាម ហៅវត្តអូរគគី បានបើកឆ្លងកាត់ ស្រាប់តែតៃកុងឡានស្មានកម្ពស់ផ្ទុកទំនិញមិនត្រូវ ក៏បណ្ដាលអោយបុកក្លោងទ្វារវត្ដតែម្ដង ។

បញ្ហានេះ សមត្ថកិច្ចជំនាញបានជួយអន្ដរាគមន៍និងបានយករថយន្ដមួយគ្រឿងនេះ មកកាន់អធិការដ្ឋាននគរបាលស្រុកសំរោងទង ដើម្បីដោះស្រាយតាមនីតិវិធី ៕ ដោយ៖ ចេស្តា