ភ្នំពេញ៖ នៅព្រឹកថ្ងៃទី២៨ ខែកញ្ញា ឆ្នាំ២០២០ ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានអញ្ជេីញត្រួតពិនិត្យកម្លាំងអន្តរាគមន៍ពិសេសនៃស្នងការដ្ឋាននគរបាលរាធានីភ្នំពេញ និងបានណែនាំដល់កងកម្លាំងទាំងអស់ត្រូវតែគោរពវិន័យ និងបទបញ្ជាឲ្យបានល្អ ជាពិសេសត្រូវស្លៀកពាក់ឲ្យបានសមរម្យ កាត់សក់ខ្លីជានិច្ច ម្យ៉ាងវិញទៀតដេីម្បីបង្កការងាយស្រួលក្នុងការចុះអន្តរាគមន៍ករណីល្មេីសផ្សេងៗ កម្លាំងទាំងអស់ត្រូវចូលរួមហ្វឹកហាត់ក្បាច់គុណតៃខ្វាន់ដូ ក្នុងគោលបំណងដេីម្បីថែរក្សាសុខភាព និងការពារខ្លួននៅពេលចុះបង្ក្រាបបទល្មេីសនានា ។
លោកធ្លាប់រម្លឹកថា៖ មន្ត្រីល្អត្រូវបានលេីកទឹកចិត្តដោយការសរសេីរ ដំឡេីងតួនាទី និងឋានន្តរសក្តិ ប៉ុន្តែមន្ត្រីអសកម្ម ឬល្មេីសច្បាប់មិនត្រូវលេីកលែងឡេីយ ។
លោកថា ៖ មន្ត្រីទាំងអស់ ចំណុះស្នងការដ្ឋាននគរបាលរាជធានីភ្នំពេញ ត្រូវតែគោរពច្បាប់ និងគោរពវិន័យកងកម្លាំង បេីល្មេីសច្បាប់នឹងទទួលពិន័យកងកម្លាំង បេីល្មេីសធ្ងន់ធ្ងរនឹងបណ្តេញចេញពីក្របខ័ណ្ឌនគរបាលជាតិ រួចបន្តអនុវត្តតាមនីតិវិធីច្បាប់ដោយគ្មានការលេីកលែងឡេីយ ។
លោកស្នងការតែងជម្រុញឱ្យសមត្ថកិច្ចនៃអធិការដ្ឋាននគរបាលខណ្ឌទាំង១៤ និងប៉ុស្តិ៍នគរបាលរដ្ឋបាលទាំង១០៥ ចំណុះស្នងការដ្ឋាននគរបាលរាជធានីភ្នំពេញ ត្រូវតែប្រចាំការ ២៤ម៉/២៤ម៉ ដេីម្បីផ្តល់សេវា ដោះស្រាយបញ្ហា និងទទួលពាក្យបណ្តឹងពីប្រជាពលរដ្ឋ ។ ក្នុងករណីមិនមានមន្ត្រីប្រចាំការ ឬមិនទទួលពាក្យបណ្តឹង សូមទំនាក់ទំនងលេខទូរស័ព្ទ ០៦៩ ៥១៦ ៩៩៩៕
ដោយ៖ សុខ ខេមរា
