UEFA ចង់កសាងវឌ្ឍនភាពដែលបានធ្វើនៅព្រឹត្តិការណ៍ UEFA Super Cup ដែលមានអ្នកគាំទ្រជាង១៥០០០ នាក់ដោយអនុញ្ញាតឱ្យក្រុម និងប្រទេសនានាមានអ្នកគាំទ្រមានវត្តមាននៅក្នុងពហុកីឡដ្ឋានដែលមានសមត្ថភាពត្រឹម៣០ភាគរយ។ នេះជាកន្លែងដែលច្បាប់ក្នុងស្រុកអនុញ្ញាត ហើយវានឹងចាប់ផ្តើមជាមួយនឹងការប្រកួតអន្តរជាតិនាពេលខាងមុខនេះដែលនឹងចាប់ផ្តើមនៅសប្តាហ៍ក្រោយ។

UEFA នឹងបន្តឃ្លាំមើលស្ថានការណ៍នេះ ប៉ុន្តែមេដឹកនាំរបស់ខ្លួនជឿជាក់ថាពេលវេលាបានមកដល់ហើយដែលអ្នកគាំទ្រវិលត្រឡប់ទៅកីឡដ្ឋានវិញអាចនឹងកាត់បន្ថយផលប៉ះពាល់ផ្នែកសេដ្ឋកិច្ចពីវិបត្ដិដោយសារកង្វះអ្នកគាំទ្រ។ អ្វីគ្រប់យ៉ាងអាស្រ័យលើអាជ្ញាធរនៃប្រទេសនីមួយៗ ប៉ុន្តែការមានវត្តមានសម្រាប់អ្នកទស្សនាក្នុងកីឡដ្ឋានសម្រាប់ការប្រកួតបាល់ទាត់ម្តងទៀត គឺជាលទ្ធភាពពិតប្រាកដដែលអាជ្ញាធរត្រូវដោះស្រាយ។

ជាការកត់សម្គាល់ចំនួនអ្នកគាំទ្រដែលមានវត្តមាននឹងត្រូវបានកំណត់ត្រឹម៣០ភាគរយនៃសមត្ថភាពរបស់ពហុកីឡដ្ឋាន ខណៈអ្នកគាំទ្រនៅឆ្ងាយនឹងមិនត្រូវបានអនុញ្ញាតឡើយរហូតដល់មានការជូនដំណឹងបន្ថែម។

ការប្រកួតរបស់ UEFA ប្រហែលជាមិនត្រូវបានលេងជាមួយអ្នកគាំទ្រទេ ប្រសិនបើអាជ្ញាធរមូលដ្ឋានមិនអនុញ្ញាត ហើយសមត្ថភាពដាក់មនុស្សត្រឹម៣០គរយអាចធ្វើទៅបានលុះត្រាតែការកំណត់ដោយអាជ្ញាធរមូលដ្ឋានក្នុងករណីដែលប្រទេសនីមួយៗត្រូវបានអនុវត្តជាក់ស្តែង។ ការរក្សាគម្លាតសង្គមនឹងចាំបាច់សម្រាប់អ្នកគាំទ្រ ហើយវិធានការប្រុងប្រយ័ត្នផ្សេងៗដូចជាការប្រើប្រាស់ម៉ាស់ត្រូវតែអនុវត្តស្របតាមបទបញ្ជាក្នុងតំបន់ ៕