ខេត្តសៀមរាប៖ សេចក្តីស្លាប់ទៀង តែពេលវេលាស្លាប់មិនទៀងទេ .., សែនរន្ធត់ចិត្តណាស់ ខណៈឮដំណឹងថា សិល្បការិនីរបាំបុរាណ ដ៏ស្រស់ស្អាតម្នាក់ បាត់បង់ជីវិតក្នុងគ្រោះធម្មជាតិ រលំផ្ទះសង្កត់លើ ។ នេះបើតាម Facebook មួយចំនួន បាន ចូលរួមរំលែកទុក្ខសិល្បការិនី របាំ បុរាណដ៏ ស្រស់ស្អាតម្នាក់បាត់បង់ជីវិត ក្នុង គ្រោះធម្មជាតិរលំផ្ទះសង្កត់លើ គ្មានក្តីមេត្តាជីវិតសត្វលោកទាល់តែសោះ។
បើយោងតាមអាខោន Facebook ជាច្រើន បានបង្ហោះចូលរួមរំលែកទុក្ខ ជាពិសេស Facebook មួយដែលមានឈ្មោះថា ច័ន្ទធឿន ភ្លេងខ្មែរ អាចជាអ្នករួមអាជីព គាត់ក៏បានបង្ហោះ និងបានរៀបរាប់ថា «ទោះមិនបានសម្តែងជាមួយគ្នាក៏ពិតមែន តែបងសូមចូលរួមរំលែកទុក្ខយ៉ាងក្រៀមក្រំ នៃការបាត់បង់អតីតសិល្បការិនីប្រចាំភោជនីយដ្ឋានគូលែន ដោយគ្រោះធម្មជាតិរលំផ្ទះសង្កត់លើគួរឲ្យសង្វែគ»។ បញ្ចប់សំណេរមានការ Comment ជាច្រើនស្រណោះ អឡោះអាល័យ ពីអ្នកសិល្បៈអាជីព សម្រស់ដ៏ផូផង់។
បើតាមរយៈបណ្តាញ Facebook និងព័ត៌មានបឋម ជនរងគ្រោះមានស្រុកកំណើតនៅខេត្តសៀមរាប តែគាត់បានផ្លាស់ប្តូរ ខណៈបច្ចុប្បន្ន មករស់នៅខេត្តកំពង់ធំ។
សូមជម្រាបថា៖ ក្រោយពីមានការបង្ហោះចែករំលែកដំណឹងអកុសលនេះ គឺមានអ្នកលេងបណ្តាញទំនាក់ទំនងសង្គមហ្វេសបុកជាច្រើន បានបង្ហាញនូវការសោកស្តាយយ៉ាងក្រែលែង ចំពោះការបាត់បង់សិល្បការិនីរបាំបុរាណខ្មែរយើង ដែលមានសមត្ថភាព ថែមទាំងមានរូបសម្រស់ស្រស់ស្អាត សុភាពរាសារ ជាមួយនឹងក្តីសោកសៅ ចូលរួមរំលែកទុក្ខចំពោះក្រុមគ្រួសារសព។
សូមជម្រាបថា៖ នេះជាដំណឹងបឋម បើករណីជាការពិត អង្គភាព«នគរដ្រេហ្គន» នឹងបន្តផ្សាយលម្អិតជូនតាមក្រោយ៕ដោយ៖ សុខ ខេមរា
