កម្លាំងប៉ូលិសបារាំងចាប់ខ្លួនមនុស្ស​៤នាក់ពាក់ព័ន្ធការវាយប្រហារភេរវកម្ម

ចែករំលែក៖

សារព័ត៌មាន AFP បានផ្សាយថាកម្លាំងប៉ូលិសបារាំង​បានចាប់ខ្លួនមនុស្ស​៤នាក់ជាប់ពាក់ព័ន្ធការវាយប្រហារភេរវកម្មដោយកាំបិត​ទៅលើ​លោកគ្រូបង្រៀនប្រវត្តិសាស្ត្រ​នៅសាលារៀន​មួយក្នុងទីក្រុងប៉ារីស​។
ជនជាប់ពាក់ព័ន្ធទាំង​៤នាក់ដែលចាប់ខ្លួនបាន គឺជាសាច់ញាតិជនវាយប្រហារដែល​ត្រូវប៉ូលិស​បាញ់សម្លាប់ ។ ការចាប់ខ្លួនខាងលើ កើតឡើង​នៅវេលាម៉ោង​ ​១៧ថ្ងៃទី​១៦ ខែតុលា នៅតំបន់ Conflans-Sainte-Honorine ស្ថិតនៅក្នុងខេត្ត Yvelinesភាគខាងជើង​រដ្ឋធានីប៉ារីស​។
ជនដៃដល់បានប្រើកាំបិតអារ.កជនរងគ្រោះនៅកណ្តាលទីក្រុង ។ ជនដៃដល់មានដើមកំណើត Chechnya អាយុ​១៨ឆ្នាំ ប៉ុន្តែកើតនៅទីក្រុងមូស្គូ ដោយបច្ចុប្បន្នរស់នៅ​ក្នុងប្រទេសបារំាង។
តាមការស្រាវជ្រាវ​ ការវាយប្រហារសម្លាប់គ្រូបង្រៀងកើតចេញពីម៉ោងរៀន ដោយគ្រូបង្រៀននោះ ប្រើប្រាស់រូបត្លុក Mohammed នៅមុខសិស្សសាលា​។ សកម្មភាពវាយប្រហារគឺមានចេតនាជាសកម្មភាពភេរវកម្ម។
រយៈពេលកន្លងមក បារាំងតែងតែរងការវាយប្រហារដោយកាំបិត កើនឡើងជាបន្តបន្ទាប់ ដោយកន្លងមកក៏មានការវាយប្រហារ នៅមុខ​ការិយាល័យកាសែតត្លុករបស់បារាំងដែរ។ ទាំងនោះហើយបានធ្វើឲ្យកម្លាំងសន្តិសុខបារាំងត្រូវបង្កើនការយាមល្បាតទប់ស្កាត់ការវាយប្រហារកើតឡើង​៕


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print