វៀតណាម៖បើទោះបីបានចិញ្ចឹមសត្វក្រពើធ្វើអាជីវកម្មជាយូរណាស់មកហើយ ក្តី ប៉ុន្តែមិនបានផ្តល់ព័ត៌មានឬសុំច្បាប់​ពីមន្ត្រីក្នុងតំបន់នោះឡើយ ។​ ទាំងនោះហើយពេលមានគ្រោះទឹកលិចដូចជាពេលនេះ ម្ចាស់ដែលចិញ្ចឹមនឹងត្រូវទទួលខុសត្រូវ ក្រោយក្រពើចេញពនេចរ«គោះទ្វារ»​ផ្ទះពលរដ្ឋដែលរងការលិចទឹកដូចគ្នា។

នៅវេលាថ្ងៃត្រង់ ថ្ងៃទី​១៩ ខែតុលា​​លោក ផាម វាំង យ៉ុង​ អនុប្រធានគណៈកម្មាធិការស្រុក​​ ប៊ិញ ថាញ់ ទ្រុង​​ ខេត្ត ដុងថាប់ បានឲ្យដឹងថា​ រូបភាពស្តីពី​សត្វក្រពើបែកទ្រុង ចេញពនេចរ​បានរកឃើញម្ចាស់ហើយ គឺជារបស់គ្រួសារលោក ផាម ថាញ់ងី​ ដែលបានចិញ្ចឹមក្រពើពីរក្បាល ។ លោកនឹងត្រូវផាកពិន័យគិតជាទឹកប្រាក់ដល់ទៅ​៣៥០លានដុង ប្រមាណ​ជាង​១ម៉ឺនដុល្លារអាមេរិក ។
សត្វក្រពើដែលចេញពីទ្រុងដោយទឹកលិច មានប្រវែង​១,៥ម៉ែត្រ មានទម្ងន់ដល់ទៅ​៧០គីឡូក្រាម ហើយ អាចបង្កគ្រោះថ្នាក់​ដល់មនុស្សបាន​។ តាមការស្រាវជ្រាវ ទីកន្លែងចិញ្ចឹមក្រពើមិនមានការការពារល្អ គ្មានសុវត្ថិភាព ដោយគ្រាន់តែយកសំណាញ់បង្ខាំងតែប៉ុណ្ណោះ​។ ពេលទឹកជន់លិច សត្វក្រពើងាយចេញទៅខាងក្រៅ ។
នៅវេលាថ្ងៃត្រង់ ថ្ងៃទី​១៩ ខែតុលា សត្វក្រពើនោះត្រូវបានក្រុមជំនាញចាប់បានហើយ ក្រោយពលរដ្ឋ ភ័យខ្លាច​ពីសុវត្ថិភាពដល់កូនចៅរបស់ខ្លួន​៕ ដោយ៖ធីរីណា

https://youtu.be/-UY7m4u5Yhs