ភ្នំពេញ៖ ជនសង្ស័យម្នាក់បានធ្វេីសកម្មភាពកាច់សោរកម៉ូតូរបស់ប្រជាពលរដ្ឋតែមិនបានសម្រេចត្រូវបានម្ចាស់ឃេីញទាន់ដេញចាប់ប្រគល់ជូនសមត្ថកិច្ចកាលពីវេលាម៉ោង១៥និង៣០នាទីរសៀល ថ្ងៃទី១ខែវិច្ឆិកាឆ្នាំ២០២០ នៅក្នុងបុរីរុងរឿង ភូមិទួលព្រង សង្កាត់ចោមចៅទី១ ខណ្ឌពោធិ៍សែនជ័យ។
ជនសង្ស័យឈ្មោះធុន ធី ភេទប្រុសអាយុ៣១ឆ្នាំ មានស្រុកកំណេីតនៅខេត្តព្រៃវែង។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុជនរងគ្រោះបានទុកម៉ូតូម៉ាកហុងដាឌ្រីមសង់ ពណ៍ខ្មៅពាក់ស្លាកលេខបន្ទាយមានជ័យ 1K 3206 នៅខាងមុខផ្ទះដោយចាក់សោរកត្រឹមត្រូវ ។ បន្ទាប់មកស្រាប់តែមានជនសង្ស័យខាងលេីមកធ្វេីសកម្មភាពកាច់សោរកតែជនរងគ្រោះឃេីញទាន់ក៏ស្រែកចោរៗផ្អេីលដល់ប្រជាពលរដ្ឋនៅក្បែរដេញចាប់រួចប្រគល់ជូនសមត្ថកិច្ច។
បច្ចុប្បន្នជនសង្ស័យត្រូវបានបញ្ជូនទៅអធិការនគរបាលខណ្ឌពោធិ៍សែនជ័យដេីម្បីចាត់ការតាមច្បាប់៕ដោយ សុខាសែនជ័យ
