តាមសារព័ត៌មាន CNN នៅថ្ងៃទី៧ខែវិខ្ឆិកាបានដកស្រង់ប្រភពព័ត៌មានពីសេតវិមាន បានបញ្ជាក់ថា ប្រធានាធិបតីត្រាំ«ចាប់ផ្តើមទទួលស្គាល់ ជាមួយក្រុមជំនួយការរបស់លោកថា លទ្ធភាពនៃការយកឈ្នះ នៅក្នុងរដ្ឋសំខាន់ៗកាន់តែពិភបាក។
សកម្មភាពខាងលើបានបង្ហាញយ៉ាងច្បាស់ថា លោកត្រាំ បានត្រៀមលក្ខណៈទទួលស្គល់លទ្ធផលបោះឆ្នោត នៅថ្ងៃទី៣ខែវិច្ឆិកាឆ្នាំ២០២០ ក្រោយពេលរដ្ឋជាច្រើន មានសំឡេងគាំទ្រ លោកបៃឌិនកើនឡើងខ្ពស់។ បើគិតសម្លឹកឆ្នោតសកល់លោកបៃឌិន ទទួលបានដល់ទៅ 74.305.784 សន្លឹក ចំណែកលោកត្រាំទទួលបាន 70.171.608 សន្លឹក។
បើទោះបីយ៉ាងណាក្តី ប្រធានាធិបតីអាមេរិក ដូណាល់ ត្រាំ បានបង្ហោះលើបណ្តាញសង្គមTwitter ថា ការដោះស្រាយតាមផ្លូវច្បាប់ទើបតែចាប់ផ្តើម ដូច្នេះលោក បៃឌិន មិនត្រូវប្រកាសពីជ័យជម្នះនោះឡើយ។
សារព័ត៌មាន Bloomberg បានផ្សាយថា លោកបៃឌិន មានគម្រោង ប្រកាស ជ័យជម្នះនៅយប់ថ្ងៃទី៧ខែវិច្ឆិកា នេះ។ បច្ចុប្បន្ន គណបក្សសាធារណរដ្ឋប្រចាំនៅរដ្ឋ Pennsylvania ដែលជារដ្ឋមានពលរដ្ឋរស់នៅជាង១៣លាននាក់ មានកៅអីតំណាងដល់ទៅ ២០ កៅអី បានស្នើដល់តុលាការបញ្ឈប់ការរាប់សន្លឹកឆ្នោត ដែលបោះតាមប្រៃសណីយ៍។ ការបន្តរាប់សន្លឹកឆ្នោត នឹងធ្វើឲ្យលោកត្រាំត្រូវបាត់បង់ការនាំមុខ ។
នៅពេលនេះរដ្ឋយុទ្ធសាស្ត្រ ដូចជា Pennsylvania និងGeorgia ដែលមានកៅអីតំណាងក្នុងរដ្ឋទាំងពីរ ដល់ទៅ ៣៦កៅអី។ នៅពេលនេះ សន្លឹកឆ្នោតគាំទ្រលោកបៃឌិនកើនឡើងខ្ពស់។ ទាំងនោះហើយអាចជួយឲ្យលោកបៃឌិនអាចប្រកាសពីជ័យជម្នះរបស់ខ្លួនបាន៕
