លោកត្រាំទៅលេងកូនហ្គោល ក្នុងពេលលោកបៃឌិនកំពុងអបអរជ័យជម្នះ(មានវីដេអូ)

ចែករំលែក៖

ធ្លាប់តែជាបុគ្គលត្រូវមហាជន ពិសេសក្រុមអ្នកសារព័ត៌ មាន ចោមរោម ថតរូបភាព ពីសកម្មភាព។ តែពេលនេះលោកត្រាំ បានទៅកាន់ទីតាំងវាយកូនហ្គោល នៅរដ្ឋ Virginia ។ ចំណែកព័ត៌មានធំៗ របស់អាមេរិក និងនៅជុំវិញពិភពលោកបានចាប់អារម្មណ៍តែទៅលើលោកបៃឌិនដែលទើបតែជាប់ឆ្នោតប្រធានាធិបតីអាមេរិក។
នៅព្រឹកថ្ងៃទី ៧ខែវិច្ឆិកាប្រធានាធិបតីដូណាល់ ត្រាំ ចូលរថយន្តធ្វើដំណើរទៅកាន់ ទីលានវាយកូនហ្គោលSterling, រដ្ឋ Virginia។ តាមសារព័ត៌មាន The Guardian លោកត្រាំពាក់មួក MAGA ពណ៌ស ខោខ្មៅ អាវយឺត ដើម្បីវាយកូនហ្គោល។ ពាក្យថា MAGA មានន័យថា(Make America Great Again )។
ការទៅលេងហ្គោលរហូតដល់ល្ងាចថ្ងៃទី៧ខែវិច្ឆិកា លោកត្រាំទើបវិលត្រឡប់មកសេតវិមានវិញ ។ ប៉ុន្តែនៅសេតវិមាន គឺស្ងាប់ស្ងាត់ ចំណែកនៅតាមផ្លូវនានា បានអបអរសាទរនៅជ័យជម្នះរបស់លោកបៃឌិន។
សារព័ត៌មាន CNN បានដកស្រង់សំដីទីប្រឹក្សា ៣រូបរបស់ប្រថធានាធិបតីដូណាល់ត្រាំ បញ្ជាក់ថា ការដោះស្រាយទប់ស្កាត់កូវីដ១៩ មិនបានល្អ ជាហេតុនៅឲ្យលោកបរាជ័យក្នុងការបោះឆ្នោត ។ ពលរដ្ឋដែលមានវ័យចំណាស់ ប្រឈមហានិភ័យខ្ពស់លែងគាំទ្រលោកត្រាំ ទើបបរាជ័យ៕