សហរដ្ឋអាមេរិកៈ កាលពីថ្ងៃទី១៥ ខែកុម្ភៈឆ្នាំ២០១៦ កិច្ចប្រជុំកំពូលអាស៊ានអាមេរិកនឹងចាប់ផ្តើមជាផ្លូវការនៅរដ្ឋ California ។ ចិនមិនមានវត្តមាននៅក្នុងកិច្ចប្រជុំកំពូលនេះទេប៉ុន្តែប្រធានបទសំខាន់បំផុតដែលត្រូវបាននិយាយនោះគឺបញ្ហាសមុទ្រចិនខាងត្បូងដែលនឹងលើបញ្ហាជម្លោះអធិបតេយ្យភាពរវាងបណ្តាប្រទេសអាស៊ាននិងប្រទេសចិន។
នេះជាលើកទីមួយដែលប្រធានាធិបតីអាមេរិកទទួលស្វាគមន៍មេដឹកនាំអាស៊ាន នៅលើទឹកដីអាមេរិក។ រាល់កិច្ចប្រជុំរវាងអាមេរិកនិងអាស៊ាននាពេលកន្លងមកតែតែធ្វើឡើងនៅលើទឹកដី ប្រទេសក្នុងតំបន់អាស៊ាន។ កិច្ចប្រជុំនាពេលកន្លងមកធ្វើឡើងនៅក្នុងទីក្រុងកូឡាឡាំពួរប្រទេសម៉ាឡេស៊ីកាលពីថ្ងៃទី២១ខែវិច្ឆិកាឆ្នាំ២០១៥។កិច្ចប្រជុំកំពូលអាមេរិក អាស៊ាននៅអាមេរិកធ្វើឡើងក្នុងរយៈពេលពីរថ្ងៃ។
ទីតាំងដែលបានរៀបចំកិច្ចប្រជុំ ស្ថិតនៅមជ្ឈមណ្ឌុល Sunnylands ស្ថិតក្នុងរដ្ឋ កាលីហ្វ័រនីញ៉ា ជាទីកន្លែងដែលប្រធានាធិបតីអូបាម៉ាប្រើប្រាស់សម្រាប់ជួបពិភាក្សាជាមួយមេដឹកនាំនៅក្រៅទីក្រុងវ៉ាស៊ីនតោន។ នៅទីនោះដែរកាលពីឆ្នាំ២០១៣មេដឹកនាំអាមេរិកធ្លាប់ទទួលស្វាគមន៍មេដឹកនាំចិនលោកស៊ីជីងពីង។
នៅមុនកិច្ចប្រជុំកំពូលអាមេរិក អាស៊ានចាប់ផ្តើម អ្នកនាំពាក្យសតវិមានអាមេរិកបានប្រកាសថាប្រធានបទសំខាន់ដែលត្រូវលើកមកពិភាក្សានោះគឺបញ្ហាវិវាទនៅដែនសមុទ្រចិនភាគខាងត្បូង ដែលជាទីតាំងដែលមានវិវាទរវាងចិននិងអាស៊ាន។
ប្រធានាធិបតីអាមេរិក បានអំពាវនាវដល់ប្រទេសក្នុងតំបន់អាស៊ានសាមគ្គីគ្នាដើម្បីទប់ទលនឹង ការគម្រាមកំហែងរបស់ចិនទៅលើដែនអធិបតេយ្យភាពរបស់ប្រទេសជិតខាង។លោកអូបាម៉ាក៏បានលើកឡើងពីសេរីភាពចរាចណ៍នៅលើដែនសមុទ្រ។
ចាប់តាំងពីប្រធានាធិបតីអាមេរិកចាប់ផ្តើមអនុវត្តគោលនយោបាយឆ្ពោះទៅកាន់ទ្វីបអាស៊ីកាលពីឆ្នាំ២០១១អាមេរិក និងចិនបានប្រគួតប្រជេងគ្នាដណ្តើមអត្ថិពលនៅក្នុងតំបន់នេះ ទាំងវិស័យសេដ្ឋកិច្ចនិង នយោបាយ៕
