សហរដ្ឋអាមេរិកៈ ប្រធានាធិបតីអមេរិកនិងបំពេញទស្សនកិច្ចទៅកាន់វៀតណាមនៅខែឧសភាតាមការប្រកាសរបស់អ្នកនាំពាក្យសេតវិមានបញ្ចាក់ថា ប្រធានាធិបតីអាមេរិកលោកបារ៉ាក់អូបាម៉ានឹងបំពេញទស្សនកិច្ចទៅកាន់ប្រទេសវៀតណាមនាខែ ឧសភាឆ្នាំ​២០១៦ខាងមុខ។

ជាមួយនិងដំណើរទស្សនកិច្ចនោះប្រធានាធិបតីអូបាម៉ានិងក្លាយជាមេដឹកនាំអាមេរិកទី៣ទស្សនកិច្ចទៅកាន់វៀតណាម​ចាប់តាំងពីសង្គ្រាមអាមេរិកវៀតណាមបានបញ្ចប់។ កន្លងមក លោកប៊ីលគ្លីនតុន​បានទស្សនកិច្ចទៅកាន់វៀតណាមនៅឆ្នាំ​២០០០ក្រោយមក លោក​George W Bush បានទស្សនកិច្ចនៅឆ្នាំ​២០០៦។

ការប្រកាសពីដំណើរទស្សនកចិ្ចទៅកាន់វៀតណាមក្រោយពេលដែលលោកអូបាម៉ាជួបពិភាក្សាជាមួយនាយករដ្ឋមន្ត្រីវៀតណាមលោក​Nguyen Tan Dung បន្ទាប់ពីកិច្ចប្រជុំកំពូលអាមេរិកអាស៊ានធ្វើឡើងនៅរដ្ឋកាលីហ្វ័រនីញ៉ា។

សារព័ត៌មានវ៉ាស៊ីនតោនប៉ុស្ត៍បានផ្សាយថា រដ្ឋាភិបាលលោកអូបាម៉ា ខិតខំជម្រុញឲ្យមានទំនាក់​ទំនងល្អប្រសើរជាមួយវៀតណាក្នុងពេលដែលភាពតានតឹងនៅសមុទ្រចិនភាគខាងត្បូងកាន់តែខ្លាំងឡើង។

កាលពីព្រឹកថ្ងៃទី​១៦ខែកុម្ភៈប្រធានាធិបតីអូបាម៉ាបានទទួលស្វាគមន៍មេដឹកនាំនៅតំបន់អាស៊ានហើយបានពិភាក្សាផ្តោតទៅលើបញ្ហាសេដ្ឋកិច្ច ពាណិជ្ជកម្ម៕

ដោយ៖ សុខ​ ខេមរា