បាក់ដើមត្រសេកមួយដើមធំទាំងមេឃក្តៅបើកថ្ងៃ កាត់ទទឹងផ្លូវបង្កការកកស្ទះចរាចរណ៍ដល់ប្រជាពលរដ្ឋធ្វើដំណើរ

ចែករំលែក៖

ភ្នំពេញ៖ ដើមត្រសេកមួយដើមធំបានបាក់រលំកាត់ទទឹងថ្នល់ដោយមិនមានមេឃភ្លៀងឬខ្យល់កន្ត្រាក់អ្វីនោះទេ តែមិនប៉ះពាល់ដល់ប្រជាពលរដ្ឋធ្វើដំណើរនោះឡើយ គឺគ្រាន់តែមានការកកស្ទះដល់ការធ្វើចរាចរណ៍តិចតួចប៉ុណ្ណោះ។

ហេតុការណ៍នៃការបាក់រលំដើមឈើនេះ កើតឡើងកាលពីវេលាម៉ោង២និង៣០ នាទីរសៀល ថ្ងៃទី២២ ខែវិច្ឆិកាឆ្នាំ២០២០ ស្ថិតនៅតាមបណ្តោយមហាវិថីសួនច្បារសម្តេចតេជោហ៊ុន សែន ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

តាមប្រភពព័ត៌មាននៅកន្លែងកើតហេតុបានប្រាប់ឲ្យដឹងថា ស្របពេលនៃការបាក់ដើមឈើដែលជាប្រភេទដើមត្រសេកនេះ គឺមិនមានមេឃភ្លៀងឬខ្យល់កន្ត្រាក់អ្វីនោះទេ តែដោយសារឬសកែវនៃដើមឈើ នេះងាប់ពុកផុយអស់នោះ ទើបគ្មានឫសកែវដើម្បីទប់មាឌនិងទម្ងន់របស់វា ដែលជាហេតុបណ្តាល
ឱ្យដើមឈើនេះបាក់រលំបែបនេះតែម្តង។

ពលរដ្ឋបានបន្ថែមទៀតថា ការបាក់ដើមដ៏ធំមួយនេះ គឺមិនបណ្តាលឱ្យនរណាម្នាក់រងរបួសនោះទេ គ្រាន់តែបង្កការកកស្ទះចរាចរណ៍ដល់បងប្អូនធ្វើដំណើតាមដងមហាវិថីនេះប៉ុណ្ណោះ។

ក្រោយពេលកើតហេតុ ខាងមន្ទីរសាធារណការ ថែទាំសួនច្បារនៅទីតាំងកន្លែងកើតហេតុ បានចុះមកអារកាត់យកដើមឈើចេញដើម្បីសម្រូលចរាចរណ៍ដល់បងប្អូនប្រជាពលរដ្ឋធ្វើដំណើរ៕ដោយ រ៉ារ៉ា

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print