ភ្នំពេញ ៖ បុរសម្នាក់មិនដឹងថាមកពីកម្មវិធីអ្វីទេ ខណៈខ្លួនគាត់ស្រវឹងស្រាឡេីងជោកជាំហេីយបេីករថយន្តកាមរីបាឡែនបុកម៉ូតូចតនៅចញ្ចេីមផ្លូវនិងទម្លុះចូលហាងអ៊ុតសក់បណ្ដាលឲ្យរងការខូចខាតយ៉ាងដំណំ បង្កការភ្ញាក់ផ្អេីលដល់ប្រជាពលរដ្ឋនិងសមត្ថកិច្ចមូលដ្ឋាន កាលពីវេលាម៉ោង១០ និង៤០នាទីយប់ថ្ងៃទី២៩ ខែវិច្ឆិកា ឆ្នាំ២០២០នេះ ស្ថិតជាប់ផ្លូវរទះភ្លេីង តាមបណ្ដោយផ្លូវ២០១១ ក្នុងសង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ ។
បេីតាមសម្ដីបុរសម្នាក់ជាជនរងគ្រោះម្ចាស់ម៉ូតូម៉ាក PCX ពណ៌ស លាយក្រហម ពាក់ស្លាកលេខភ្នំពេញ 1IH-2319 បានប្រាប់ឲ្យដឹងថា មុនកេីតហេតុរូបគាត់បានចតម៉ូតូអែបចញ្ចេីមផ្លូវមុខហាងអ៊ុតសក់ គឹម ហូ គ្រានោះស្រាប់តែមានរថយន្តម៉ាក Toyota កាមរីបាឡែន ពណ៌ស ពាក់ស្លាកលេខភ្នំពេញ 2BH-4575 ដែលបេីកបរដោយបុរសម្នាក់ស្រវឹងស្រាឡេីងជោកជាំ ធ្វេីដំណេីរចេញពីផ្លូវលំជាប់ផ្លូវរទះភ្លេីងទិសដៅពីលិចមកកេីតក្នុងល្បឿនលឿន ខណៈមកដល់ផ្លូវ២០១១ដែលផ្លូវបំបែកជាបី តែតៃកុងមិនបត់ទៅណាទេគឺទៅមុខត្រង់ ក៏បុកម៉ូតូPCXនិងទម្លុះចូលហាងអ៊ុតសក់បន្ថែមទៀតបណ្ដាលឲ្យរងការខូចខាតយ៉ាងដំណំ សំណាងល្អម្ចាស់ម៉ូតូនិងម្ចាស់ហាងអ៊ុតសក់ខាងលេីរត់ចេញទាន់ពុំមាននរណាម្នាក់រងរបួសនោះទេ ។
ក្រោយកេីតហេតុ តៃកុងរថយន្តបង្កមិនបានទៅណាទេ គឺងោកជាប់និងចង្កូតរថយន្តតែម្ដង ហេីយសមត្ថកិច្ចមូលដ្ឋានចុះមកដល់ក៏បានព្យាយាមទាក់ទងទៅក្រុមគ្រួសារឲ្យមកដោះស្រាយជាមួយភាគីរងគ្រោះ ។ ខណៈនោះក៏មានស្ត្រីម្នាក់ដែលជាប្រពន្ធតៃកុងរថយន្តបង្កចុះមកសម្របសម្រួលជាមួយភាគីម៉ូតូរងគ្រោះនិងម្ចាស់ហាងអ៊ុតសក់ ដោយព្រមទទួលខុសត្រូវទាំងស្រុងចំពោះការខូចខាតម៉ូតូនិងសម្ភារក្នុងហាងខាងលេី ដេីម្បីបញ្ចប់រឿង ៕
ដោយ៖ ភារ៉ា ដង្កោ
