អាមេរិកបានដាក់ទណ្ឌកម្មទៅលើ ក្រុមហ៊ុនបច្ចេកវិទ្យារបស់ចិនដែលរកស៊ីនៅក្នុងប្រទេសវេណេហ្ស៊ុយអេឡា ជួយដល់រដ្ឋាភិបាលវេណេហ្ស៊ុយអេឡាធ្វើឲ្យប៉ះពាល់ដល់លទ្ធិប្រជាធិបតេយ្យ។
ក្រសួងហិរញ្ញវត្ថុអាមេរិក នៅថ្ងៃទី៣០ខែវិច្ឆិកា បានប្រកាសថា អាមេរិកបានដាក់ទណ្ឌកម្មដល់ក្រុមហ៊ុនអេឡិចត្រូនិកចិន ដោយចោទប្រកាន់ថាបានធ្វើឲ្យប៉ះពាល់ដល់តម្លៃនៃរបបលទ្ធិប្រជាធិបតេយ្យនៅក្នុងប្រទេសនេះ។
អាមេរិកនឹងបង្កកទ្រព្យសម្បត្តិរបស់ក្រុមហ៊ុនចិននៅក្នុងទឹកដីអាមេរិក ហើយហាមប្រាមក្រុមហ៊ុនអាមេរិករកស៊ីជាមួយក្រុមហ៊ុនចិន។ តាមការលើកឡើងរបស់ក្រសួងហិរញ្ញវត្ថុអាមេរិកចាប់តាំងពីឆ្នាំ២០១៧មកទល់ពេលនេះ ក្រុមហ៊ុននាំចេញអេឡិចត្រូនិករបស់ចិនបានផ្គត់ផ្គង់ សម្ភារជាច្រើនដល់រដ្ឋាភិបាលវេណេហ្ស៊ុយអេឡា។
ចាប់តាំងពីខែមករាឆ្នាំ២០១៩ មកទល់ពេលនេះ អាមេរិកបានទទួលស្គាល់មេដឹកនាំក្រុមប្រឆាំង លោកJuan Guaido ជាប្រធានាធិបតីស្របច្បាប់ក្នុងប្រទេសនេះ។ ទាំងនោះហើយបានជាអាមេរិកបង្កើនការដាក់ទណ្ឌកម្ម ទៅលើរដ្ឋាភិបាលរបស់លោក ម៉ាឌូរ៉ូ ក៏ដូចជាទប់ស្កាត់ក្រុមហ៊ុនបរទេសរកស៊ីជាមួយរដ្ឋាភិបាលវេណេហ្ស៊ុយអេឡា៕ដោយ៖ធី រីណា
