រកឃើញគូប្រកួតសម្រាប់វគ្គជម្រុះ FA Cup ជុំទី៣ហើយ

ចែករំលែក៖

ការប្រកួតវគ្គជម្រុះ FA Cup បានបញ្ចប់ក្នុងជុំទី២ហើយ ដោយមានក្រុមខ្លាំងៗមួយចំនួនក្នុងក្របខ័ណ្ឌ Premier League, Championship, League 1, League 2 និង National League ជាដើមបានឡើងទៅប្រកួតជុំទី៣បន្តទៀត។ នេះបើយោងតាមកាលបរិច្ឆេទរបស់ soccerwayនិងសារព័ត៌មាន BBC Sport ចេញផ្សាយនៅព្រឹកថ្ងៃទី១ ធ្នូនេះ។

ក្រុម Marine ដែលជាក្រុមទី៨ លីគលំដាប់ទី២នៅអង់គ្លេសនឹងត្រូវប្រកួតជាមួយក្រុម Tottenham របស់ក្របខ័ណ្ឌ Premier League ក្នុងជុំទី៣ នៃពានរង្វាន់ FA Cup ដែរ។

ចំណែកក្រុម Chorley ដែលស្ថិតក្នុងក្របខ័ណ្ឌនឹងធ្វើជាម្ចាស់ផ្ទះទទួលក្រុម Derby របស់លោក Wayne Rooney ខណៈដែលក្រុម Arsenal ធ្វើជាម្ចាស់ផ្ទះទទួលក្រុម Newcastle និង Liverpool ធ្វើដំណើរទៅកាន់ទឹកដី Aston Villa ។

ការប្រកួតដោយឡែក Stockport ដែលស្ថិតក្នុងក្របខ័ណ្ឌ National League នឹងធ្វើជាម្ចាស់ផ្ទះក្នុងការប្រកួតជាមួយនឹងក្រុម West Ham ខណៈដែលក្រុមបិសាចក្រហម Manchester United គឺជាម្ចាស់ផ្ទះទទួលក្រុម Watford ដែលជាក្រុមនៅក្របខ័ណ្ឌ Championship ។ ការប្រកួតក្របខ័ណ្ឌ FA Cup ជុំទី៣ នឹងប្រព្រឹត្តទៅនៅថ្ងៃទី៨-១១ ខែមករា ឆ្នាំ២០២១ខាងមុខនេះ។