ខេត្តព្រះសីហនុ៖ លោកអនុសេនីយ៍ឯក ម៉ែន  វណ្ណា មេបញ្ជាការរងកងរាជអាវុធហត្ថស្រុកព្រៃនប់បានឲ្យដឹងថា នៅវេលាម៉ោង៣និង៣០រសៀលថ្ងៃទី ៦ ខែធ្នូ ឆ្នាំ២០២០ នេះកម្លាំងកងរាជអាវុធហត្ថស្រុកព្រៃនប់ដឹកនាំដោយលោកផ្ទាល់បានចុះបង្ក្រាបទីតាំងបញ្ជល់មាន់មួយកន្លែងនៅក្នុងភូមិបឹងវែងឃុំវាលរេញស្រុកព្រៃនប់ ខេត្តព្រះសីហនុ  ដកហូតមាន់ជល់ចំនួនបីក្បាល និងម៉ូតូចំនួន ៣គ្រឿង យកទៅរក្សាទុកនៅអាវុធហត្ថស្រុកព្រៃនប់ ។ លោកមេបញ្ជាការរងបានបន្តថា ក្រៅពីបង្ក្រាបទីតាំងបញ្ជល់មាន់នេះ កម្លាំងកងរាជអាវុធហត្ថស្រុកព្រៃនប់អនុវត្តតាមការណែនាំរបស់លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ  បានបំបែកហ្វូងការជួបជុំដែលមានមនុស្សចំនួនច្រើន  ដើម្បីពង្រឹង វិធានការ បង្ការទប់ស្កាត់ ការពារការចម្លងមេរោគកូវីដ-១៩ ក្នុងព្រឹត្តិការណ៍សហគមន៍ ២៨វិច្ឆិកា ៕ឆ្លាម សមុទ្រ