ភ្នំពេញ៖ កម្លាំងនគរបាលប៉ុស្តិ៍ចោមចៅទី៣ ខណ្ឌពោធិ៍សែនជ័យ បានធ្វើការល្បាតពួនស្ទាក់ក្នុងមូលដ្ឋានប្រទះឃេីញយុវជន២នាក់គួរឱ្យសង្ស័យក៏ហៅសួរនាំនិងធ្វេីការត្រួតពិនិត្យហើយក៏រកឃេីញថ្នាំញៀនមួយចំនួនទេីបឃាត់ខ្លួនតែម្តង។
ប្រតិបត្តិការនេះធ្វេីឡេីងកាលពីវេលាម៉ោង១រំលងអធ្រាត្រឈានចូលថ្ងៃទី០៨ ខែធ្នូ ឆ្នាំ២០២០ នៅចំណុចមុខវិទ្យាល័យជម្ពូវ័ន តាមបណ្តោយផ្លូវជាតិលេខ៤ ក្នុងភូមិព្រៃព្រីងខាងត្បូង២ សង្កាត់ចោមចៅទី៣ ខណ្ឌពោធិ៍សែនជ័យ។
ជនសង្ស័យទី១-ឈ្មោះ ហេង ធា ភេទប្រុស អាយុ២៧ឆ្នាំ មុខរបរមិនពិតប្រាកដ ស្នាក់នៅភូមិអូរជ្រៅ ឃុំបឹងព្រាវ ស្រុកស្រែអំបិល ខេត្តកោះកុង។
ទី២-ឈ្មោះ ឆេង ប៉ុន្នី ភេទប្រុសអាយុ១៧ឆ្នាំ មុខរបរមិនពិតប្រកដ មានស្រុកកំណេីតនៅខេត្តកោះកុង។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលឃាត់ខ្លួនជនសង្ស័យកម្លាំងនគរបាលប៉ុស្តិ៍ចោមចៅទី៣ដឹកនាំដោយលោកថេង កុសល នាយប៉ុស្តិ៍និងមន្ត្រីក្រោមឱវាទបានធ្វើការល្បាតពួនស្ទាក់ក្នុងមូលដ្ឋានស្រាប់តែប្រទះឃេីញយុវជន២នាក់ជិះម៉ូតូមួយគ្រឿងឌុបគ្នាម៉ាកអុិចសៃទ័រ ពណ៌ខ្មៅ ពាក់ស្លាកលេខភ្នំពេញ1HA 1264 ធ្វេីដំណេីរតាមបណ្តោយផ្លូវជាតិលេខ៤ក្នុងទិសដៅពីកេីតទៅលិចុះដោយមានការសង្ស័យសមត្ថកិច្ចក៏ហៅឱ្យឈប់ រួចធ្វេីការត្រួតពិនិត្យលេីដងខ្លួនក៏រកឃេីញថ្នាំញៀនមួយប្រអប់នៅក្នុងហោប៉ៅខោឈ្មោះហេង ធា ទេីបឃាត់ខ្លួនតែម្តង។
សមត្ថកិច្ចបានបញ្ជាក់ថា ថ្នាំញៀនដែលរកឃេីញនោះមានចំនួន២៧កញ្ចប់តូច។
នៅចំពោះមុខសមត្ថកិច្ចជនសង្ស័យបានសារភាពថា ថ្នាំញៀនទាំងនេះពិតជារបស់ខ្លួនប្រាកដមែន ដោយទិញអស់លុយ៥០ដុល្លារដើម្បីយកទៅប្រេីប្រាស់ក៏ដូចជាចែកចាយបន្តនៅឯខេត្ត។
បច្ចុប្បន្នជនសង្ស័យ ត្រូវបានសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌដេីម្បីចាត់ការតាមច្បាប់៕
ដោយ សុខាសែនជ័យ
