វាមិនមែនជារឿងធម្មតានោះទេនៅពេលដែលទារកឈឺហើយសីតុណ្ហភាពកើនលើស៤០អង្សាសេនោះ ។ សីតុណ្ហភាពកើនដល់៤១ អង្សាសេអាចបណ្ដាលឱ្យខូចខាតខួរក្បាលបាន ប៉ុន្ដែករណីនេះអាចកើតឡើងលុះត្រាតែទារកត្រូវបានជាប់គាំងនៅក្នុងរថយន្ដដែលដាក់ចោលហាលក្ដៅ ឬ ស្លៀកពាក់ច្រើនជាន់ពេកនៅពេលមានជំងឺគ្រុនក្ដៅ ។

នៅពេលទារកគ្រុនក្ដៅគឺជាសញ្ញាមួយបញ្ជាក់ថា រូបរាងកាយរបស់ ទារកកំពុងប្រយុទ្ធប្រឆាំងនឹងការឆ្លងមេរោគបាក់តេរី ឬទាំងពីរ ។ នេះដោយសារតែបាក់តេរីនិងវីរុសភាគច្រើនលូតលាស់បានល្អនៅសីតុណភាព ជិត៣៧អង្សាសេ។

ដូចេ្នះ ប្រព័ន្ធការពាររាងកាយត្រូវបង្កើនកោសិកាឈាមស និងអង្គការពាររាងកាយឱ្យបានកាន់តែច្រើនដើម្បីប្រឆាំងនឹងការឆ្លង   មេរោគដែលធ្វើឱ្យសីតុណ្ហភាពនៅក្នុងរាងកាយរបស់ទារកកើនឡើងខ្ពស់ ៕