ខេត្តសៀមរាប ៖ បន្ទាប់ពីរូបភាពវីដេអូច្រេីនឃ្លីបរបស់បុគ្គល កែវ សុវណ្ណ ត្រូវបានអ្នកលេងតាមប្រព័ន្ធទំនាក់ទំនងសង្គមហ្វេសប៊ុកធ្វេីការចែករំលែកតៗគ្នា ហេីយត្រូវ បុគ្គលមួយចំនួនទៀតឆ្លៀតឱកាសយក រឿងនេះកេងចំណេញលេីនយោបាយ ធ្វេីអោយបាត់បង់សណ្តាប់ធ្នាប់សាធារណៈសង្គមរួចមក ក៏មានមតិមួយចំនួនលេីកថា គួរកុំយកបុគ្គល កែវ សុវណ្ណ កេងចំណេញរឿងនយោបាយ ។
លោក កែវ សុវណ្ណ មានស្រុកកំណើតនៅ ភូមិ-ឃុំអំពិលតាពក ស្រុកអូរាំងឪ ខេត្តត្បូងឃ្មុំ លោកជាកូនកំព្រាម៉ែឪតាំងពីក្មេង។
លោក កែវ សុវណ្ណ ជាក្មេងកំព្រាហើយធ្លាប់បួសជាព្រះសង្ឃបាន៨វស្សា កាលនៅបួស កែវ សុវណ្ណ ជាសង្ឃដែលប្រឹងរៀនហួសហេតុអត់សឹង១យប់ទល់ភ្លឺក៏មានការពិបាកចិត្ត រុញច្រានសង្ឃ កែវ សុវណ្ណ ចូលចិត្តប្រើអារម្មណ៍រវើរវាយច្រើនរួមទាំងការប្រឹងរៀនខុសទំនងហួសកំលាំង សង្ឃ កែវ សុវណ្ណ បានបែកកម្មដ្ឋាន (មានបញ្ហាខួក្បាល) រហូតសម្រេចចិត្តលាចាកជាសង្ឃចង់ដើរពនេតចរតាមដងផ្លូវ។
នៅឆ្នាំ២០១៧ លោក កែវ សុវណ្ណ ស្លៀកខោជើងខ្លីអត់ពាក់អាវ ដៃកាន់បដា១ផ្ទាំងតូចរត់បំបោលចូលផ្ទះសម្ដេចតេជោ តែត្រូវអង្គរក្សឃាត់សួរនាំ កែវ សុវណ្ណ បានឆ្លើយថាចង់ជួបសម្ដេចតេជោពិភាក្សាការងារធំៗ ដោយមានការសង្ស័យជាមនុស្សអត់គ្រប់ទឹក អង្គរក្សយាមនៅផ្ទះសម្ដេចតេជោក៏បានអោយអារហារនិងទឹកហូបហើយប្រគល់អោយប៉ូលិសប៉ុស្តិ៍សួរនាំបន្ថែម ទើបដឹងច្បាស់ថាជាមនុស្សចូលចិត្តប្រើអារម្មណ៍រវើរវាយរបៀបសរសៃប្រសាទ ប៉ូលិសប៉ុស្តិ៍ក៏ដោះលែងអោយដើរតាមដងផ្លូវរហូតដល់បច្ចុប្បន្ន៕ ដោយ ៖ វណ្ណៈ
