ភ្នំពេញ៖ បុរសម្នាក់ចុះពីលេីរថយន្តដោយមិនបានពន្លត់ម៉ាសុីន រួចដើរទៅទិញអីវ៉ាន់មួយភ្លែត ស្រាប់តែមានជនសង្ស័យម្នាក់ឡេីងបេីកចេញទៅ។ឃេីញបែបនេះម្ចាស់រថយន្តក៏ស្រែកថាចោរៗបង្កការភ្ញាក់ផ្អេីលដល់ប្រជាពលរដ្ឋដេញតាមចាប់កាលពីវេលាម៉ោង៨និង២០នាទីយប់ ថ្ងៃទី១៣ ខែមករា ឆ្នាំ២០២១ នៅចំណុចស្តុបអុីនថឺខន តាមបណ្តោយផ្លូវព្រះមុនីរ៉េត សង្កាត់បឹងសាឡាង ខណ្ឌទួលគោក ហេីយជនសង្ស័យព្យាយាមបេីករត់រហូតទៅដល់ផ្លូវលេខ៣១៥ កែងផ្លូវលេខ៥៩៨ ស្ថិតក្នុងសង្កាត់បឹកកក់២ ខណ្ឌទួលគោក ទេីបជនសង្ស័យឈប់រថយន្តហេីយចុះរត់គេចខ្លួនបាត់ទៅ។
តាមប្រភពព័ត៌មានពីម្ចាស់រថយន្តបានឲ្យដឹងថា មុនពេលកេីតហេតុរូបគាត់បានបេីករថយន្តម៉ាកម៉ាស្តា ពណ៌កណ្តុរល្មែះ ពាក់ស្លាកលេខរដ្ឋ13. 2-2688 មកទិញតុក្កតាឲ្យកូននៅចំណុចខាងកេីតស្តុបអុីនថឺខន ខណៈចុះពីលេីរថយន្តទៅទិញតុក្កតាតែមិនបានពន្លត់ម៉ាសុីននោះទេ ស្រាប់តែមានជនសង្ស័យម្នាក់មកឡេីងបេីករថយន្តចេញទៅ ភ្លាមនោះរូបគាត់ឃេីញទាន់ក៏ស្រែកថាចោរៗបង្កការភ្ញាក់ផ្អេីលដល់ប្រជាពលរដ្ឋជួយដេញតាមរហូតទៅដល់ផ្លូវ៥៩៨កែងផ្លូវលេខ៣១៥ ដែលជាកន្លែងភ្លេីងស្តុបនិងកកស្ទះចរាចរណ៍ផងនោះទេីបជនសង្ស័យចុះពីលេីរថយន្តហេីយរត់គេចខ្លួនបាត់ទៅ។
ក្រោយកេីតហេតុសមត្ថកិច្ចមូលដ្ឋានបានចុះទៅដល់និងនាំជនរងគ្រោះទៅដាក់ពាក្យបណ្តឹងនៅអធិការដ្ឋានគរបាលខណ្ឌទួលគោកដេីម្បីកំណត់មុខសញ្ញាជនសង្ស័យ៕
ដោយ៖សុខាសែនជ័យ
