លោកត្រាំក្លាយជាប្រធានាធិបតីអាមេរិកដំបូងគេបង្អស់ដែលត្រូវចោទប្រកាន់ទោស​ពីរលើក​ក្នុងមួយអាណត្តិ

ចែករំលែក៖

រដ្ឋសភាអាមេរិក កាលពីថ្ងៃទី​១៣ខែមករា បានពិភាក្សាស្តីពីការបោះឆ្នោតអនុម័តទៅលើសេចក្តីសម្រេចចោទប្រកាន់ទោសប្រធានាធិបតីដូណាល់ ត្រាំ ពីបទញុះញង់ឲ្យមានអំពើហិង្សា​នៅរដ្ឋសភា ។ ដូច្នេះ​ការសម្រេចខាងលើធ្វើឲ្យលោកត្រាំ​ក្លាយជាប្រធានាធិបតី​អាមេរិកដំបូងគេបង្អស់ដែលត្រូវ ចោទប្រកាន់ទោសពីរលើកក្នុងមួយអាណត្តិ​។ នៅក្នុងការបោះឆ្នោតនៅរដ្ឋសភាស្តីពីការចោទប្រកាន់ទោស​ជាលើកទីពីរដល់ប្រធានាធិបតី​ដូណាល់ ត្រាំ​ ទទួលបាន​សំឡេងគាំទ្រ២៣២ និងប្រឆាំង​១៩៧សំឡេង​ សភាបានសម្រេចជាផ្លូវការចោទប្រកាន់ទោស​លោកត្រាំ​ ជាប់ពាក់ព័ន្ធអំពើហិង្សា។ ជាមួយគ្នានោះ​សមាជិករដ្ឋសភាមកពីគណបក្សសាធារណរដ្ឋ​១០​រូប​​ក៏បានបោះឆ្នោតគាំទ្រផងដែរ​។ ដូច្នេះ​ លោកត្រាំ​ក្លាយជាប្រធានាធិបតីអាមេរិកដំបូងគេបង្អស់​ដែល​ទទួលរងការចោទប្រកាន់ទោសដល់ទៅពីរលើក​ក្នុងមួយអាណត្តិ។ ការសម្រេចចោទប្រកាន់ទោសកើតឡើងក្រោយពេលដែល មានអំពើហិង្សា​នៅរដ្ឋសភា​ ហើយលោកត្រាំជាអ្នកនៅពីក្រោយ។ ក្រោយសភាអនុម័តសេចក្តិសម្រេចខាងលើ នឹងត្រូវបញ្ជូនទៅកាន់ព្រឹទ្ធសភា ដើម្បីកាត់ទោស​លោកត្រាំ ​។ តាមគម្រោង ព្រឺទ្ធសភាអាមេរិកនិឹងចោទប្រកាន់ទោស​លោកត្រាំក្រោយលោកបៃឌិនចូលកាន់តំណែងប្រធានាធិបតីនៅថ្ងៃទី​២០ខែមករា ៕

...

ដោយ៖ ធី រីណា រូបភាព( AP)

ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print