ក្រុងប៉ោយប៉ែត៖ ក្រុមចោរប្លន់ ២នាក់ដែលបានធ្វើសកម្មភាពប្លន់អាជីវករលក់មាសប្ដូរប្រាក់នៅផ្សាររ៉ាបានមួយដង្ហើមចង្រិតត្រូវសមត្ថកិច្ចចាប់ខ្លួននិង ដកហូតបានគ្រឿងអលង្ការមកវិញនិង ប្រាក់មួយចំនួនផង ។ ករណីចាប់ខ្លួន ក្រុមចោរប្លន់ខាងលើនេះសមត្ថកិច្ចបានធ្វើឡើងកាលពីរសៀលថ្ងៃទី២៤* ខែកុម្ភៈ ឆ្នាំ២០១៦ នៅចំណុចផ្សាររ៉ា ស្ថិតក្នុង ភូមិ-សង្កាត់-ក្រុងប៉ោយប៉ែត ខណៈជន សង្ស័យកំពុងផឹកស៊ីនិងក្រោយពីជន សង្ស័យបានធ្វើសកម្មភាពប្លន់កាលពី ព្រឹកថ្ងៃទី២៤ ខែកុម្ភៈ ឆ្នាំ២០១៦ ។
លោក អ៊ុំ សុផល អធិការក្រុងប៉ោយ ប៉ែតបានឱ្យដឹងថា ជនសង្ស័យដែលត្រូវ បានឃាត់ខ្លួនទី១-ឈ្មោះ យ៉េន ធូ ភេទ ប្រុស អាយុ៣៧ឆ្នាំ ទី២-ឈ្មោះ យាប ហេង ភេទប្រុស អាយុ២៧ឆ្នាំ អ្នកទាំង២ នាក់មានស្រុកកំណើតនៅភូមិ៥ ឃុំគង់ ជ័យ ស្រុកអូររាំងឪ ខេត្ដត្បូងឃ្មុំ បច្ចុប្បន្ន មកស្នាក់នៅភូមិក្បាលស្ពាន សង្កាត់- ក្រុងប៉ោយប៉ែត ខេត្ដបន្ទាយមានជ័យ។
លោកអធិការបានឱ្យដឹងទៀតថា ជាមួយការចាប់ខ្លួនជនសង្ស័យជាចោរ ប្លន់ខាងលើនេះសមត្ថកិច្ចបានដកហូត រថយន្ដកាមរី១គ្រឿង ចង្កូតឆ្វេង ពណ៌ត្រី ឆ្លូញ ពាក់ស្លាកលេខបាត់ដំបង2A-68 71 ។ ក្នុងនោះមានគ្រឿងអលង្ការនិង ប្រាក់មួយចំនួនរបស់ជនរងគ្រោះ ។
លោកអធិការបានបន្ដថា ក្រោយពី ជនសង្ស័យប្លន់បានគ្រឿងអលង្ការនិង លុយ ជនសង្ស័យបានយកគ្រឿងអលង្ការ និងប្រាក់ទាំងនោះព្រមទាំងអាវុធខ្លី២ដើម ទៅលាក់ទុកនៅក្នុងបន្ទប់ជួលមួួយកន្លែង ស្ថិតនៅភូមិបាលិលេយ្យ១ សង្កាត់-ក្រុង ប៉ោយប៉ែត ។ បន្ទាប់មកជនសង្ស័យបាន ផ្លាស់សម្លៀកបំពាក់ដែលពួកគេធ្វើ សកម្មភាពប្លន់រួចនាំគ្នាទៅផឹកស៊ីនៅម្ដុំ ស្រះបេះដូង ស្ថិតក្នុងភូមិមិត្ដភាព ។
លោកអធិការបានស្រង់ចម្លើយសារ ភាពជនសង្ស័យទាំង២ឱ្យដឹងថា ពួកគេ ពិតជាបានធ្វើសកម្មភាពស្ទាក់ភ្ជង់ប្លន់ ជនរងគ្រោះនោះពិតមែន ។
លោកអធិការបានបន្ថែមថា ក្រោយ ពីជនសង្ស័យបានឆ្លើយសារភាពសមត្ថកិច្ចបាននាំជនសង្ស័យទៅកាន់កន្លែងដែល ពួកគេលាក់ទុកអាវុធនិងគ្រឿងអលង្ការ ហើយបានដកហូតអាវុធខ្លីចំនួន២ដើម មួយដើមម៉ាករ៉ូឡូ និងមួយដើមទៀត ម៉ាកកា៥៤ ហើយបានដកហូតនិងរក ឃើញគ្រឿងអលង្ការគ្រប់ចំនួន។ ចំណែក ប្រាក់ត្រូវក្រុមចោរយកទៅផឹកស៊ីអស់ មួយចំនួន ។
គួររំលឹកថា កាលពីព្រឹកថ្ងៃទី២៩ ខែ កុម្ភៈ ឆ្នាំ២០១៦ មានករណីចោរ២នាក់ ប្រដាប់ដោយកាំភ្លើងខ្លី២ដើមភ្ជង់ប្លន់ យកកាបូបដាក់គ្រឿងអលង្ការនិងប្រាក់ របស់អាជីវករលក់មាសប្ដូរប្រាក់បាន សម្រេចខណៈដែលជនរងគ្រោះជិះម៉ូតូ មកបើកតូបលក់ហើយត្រូវក្រុមចោរ ស្ទាក់តាមផ្លូវ នៅចំំណុចភូមិក្បាល ស្ពាន២ សង្កាត់-ក្រុងប៉ោយប៉ែត ។ ជន រងគ្រោះដែលត្រូវចោរប្លន់យកគ្រឿង អលង្ការនិងលុយនោះមានឈ្មោះ* សូយ សុផាន់ណា ភេទស្រី អាយុ៤៧ឆ្នាំ ជា អាជីវករលក់មាសប្ដូរប្រាក់នៅផ្សាររ៉ា បច្ចុប្បន្នស្នាក់នៅភូមិក្បាលស្ពាន២ សង្កាត់-ក្រុងប៉ោយប៉ែត ។
ក្រោយកើតហេតុស្ដ្រីរងគ្រោះបានឱ្យ ដឹងថា នៅក្នុងកាបូបដែលក្រុមចោរ ប្លន់យកទៅនោះមានចិញ្ចៀន៨០វង់, ខ្សែកប្លាទីន៨០ខ្សែ, ចិញ្ចៀនមាស៥ជី, លុយថៃ១០ម៉ឺនបាត, លុយខ្មែរ២លាន រៀល, ប្រាក់ដុល្លារ១ពាន់ដុល្លារ, ក្រវិល ត្បូង៣០គូ, កងត្បូង៥កង, ខ្សែដៃនិងខ្សែ ជើង១០០ខ្សែ, កងដៃ២០កង, កងឈុត ១០ឈុត សរុបមាសបា្លទីនប្រហែល ២០តម្លឹង ។
នៅក្នុងករណីប្លន់អាជីរករខាងលើនេះ ហើយសមត្ថកិច្ចបង្ក្រាបចាប់ខ្លួនជន សង្ស័យបានមិនដល់កន្លះថ្ងៃផងនោះ ត្រូវ បានប្រជាពលរដ្ឋនៅក្រុងប៉ោយប៉ែត ខេត្ដបន្ទាយមានជ័យ មានការកោតសរ សើរដល់សមត្ថកិច្ចយ៉ាងខ្លាំង ដែលនេះ បង្ហាញពីការយកចិត្ដទុកដាក់ចំពោះការ ការពារសន្ដិសុខសណ្ដាប់ធ្នាប់ជូនដល់ ប្រជាពលរដ្ឋ ៕
ដោយ៖ វណ្ណា
