ក្រុងប៉ោយប៉ែត៖ ជនសង្ស័យ៣នាក់ត្រូវកម្លាំងនគរបាលក្រុងប៉ោយប៉ែតឃាត់ខ្លួន ករណីកាន់កាប់រក្សាទុកចែកចាយគ្រឿងញៀន កាលពីវេលាម៉ោង១១ និង៣៥នាទីថ្ងៃទី២៤ ខែកុម្ភៈ ឆ្នាំ២០១៦នៅចំណុចភូមិបាលិលេយ្យ២ សង្កាត់ក្រុងប៉ោយប៉ែត ខេត្តបន្ទាយមានជ័យ។
សមត្ថកិច្ចប្រាប់ថា ជនសង្ស័យដែលកម្លាំងឃាត់ខ្លួននោះមានទី១ឈ្មោះហ៊ុល ឡងភេទប្រុសអាយុ៣៤ឆ្នាំ មុខរបលក់ថ្នាំ្ញញៀន ទី២ឈ្មោះឡេត ម៉ាត់ ភេទប្រុស អាយុ១៨ឆ្នាំមុខរបរមិនពិត រអ្នកទាំង២មានស្រុកកំណើតនៅក្នុងភូមិគោ ឃុំព្រៃកប្បាស ស្រុកព្រៃកប្បាស ខេត្តតាកែវ និងទី៣ឈ្មោះ បឿន មនោ ភេទប្រុស អាយុ២២ឆ្នាំមុខរបរមិនពិត មានស្រុកំណើតនៅភូមិព្រៃស្លែង ឃុំលន់ ស្រុកស្អាង ខេត្តកណ្ដាល(អ្នកទាំងបីនាក់នេះស្នាក់នៅក្នុងភូមិកើតុហេតុ)។
សមត្ថកិច្ចបញ្ជាក់ថា ក្រោយពីទទួលបានព័ត៌មានចំពោះជនសង្ស័យនៅចំណុចខាងលើកម្លាំងសមត្ថកិច្ចចុះប្រតិបត្តិការប្រទះឃើញជនសង្ស័យទាំង៣នាក់កំពុងតែប្រព្រឹត្តនៅសារធាតុញៀន ទើបកម្លាំងសមត្ថកិច្ចក៏ធ្វើការឃាត់ខ្លួនរួមជាមួយវត្ថុតាងសារធាតុញៀនប្រភេទ ម្សៅសថ្លាក្រាម ៣ថង់កិបកណ្ដាល ៨ថង់កិបតូច ដបកែច្នៃជក់២ ដាវសាំម៉ូរ៉ៃ១ដើម ជញ្ជីងថ្លឹង១ ថង់សម្រាប់វេចខ្ចប់មួយចំនួន ទូរស័ព្ទចុចពិល១គ្រឿង ម៉ូតូហ៊ុងដាឌ្រីម សេ១២៥ មួយគ្រឿង។
ជនសង្ស័យទាំង៣នាក់ក្រោយពីឃាត់ខ្លួន យកមកសាកសួរធ្វើកំណត់ហេតុពួកគេបានឆ្លើយសាររភាពចំពោះមុខសមត្ថកិច្ច ពួកគេពិតជាបានប្រព្រឹត្តដូចសមត្ថកិច្ចចោទប្រកាន់មែន។ ក្រោយពីកសាងសំណុំរឿងរួចរាល់ជនសង្ស័យទាំង៣នាក់ និងបញ្ជូនទៅស្នងការរដ្ឋាននគរបាលខេត្តបន្ទាយមានជ័យដើម្បីចាត់ការបន្តតាមផ្លូវច្បាប់៕
ដោយ៖ វណ្ណា
