ភ្នំពេញ៖ ចាប់តាំងពីរដ្ឋ បាលខណ្ឌច្បារអំពៅបង្កើតឡើងមានរយៈពេលជិត២ឆ្នាំនេះ បញ្ហាអនាម័យបរិស្ថាន សណ្តាប់ធ្នាប់សាធារណៈ គឺរឿងស្ម័គ្រស្មាញតែយ៉ាងណាក៍ដោយអាជ្ញាធរខណ្ឌនិងខិតខំជំនៈរាល់ឧបសគ្គ ដែលជាបញ្ហាប្រឈមអោយអស់លទ្ធភាព ហើយសុំការយោគ យល់ពីប្រជាពលរដ្ឋចំពោះការធ្វើដំណើរឆ្លងកាត់ផ្លូវជាតិលេខ១ និងសូមអោយប្រជាពលរដ្ឋចូលរួមសម្អាតបរិស្ថានអោយបានព្រមៗគ្នាដើម្បីទីក្រុងស្អាត បរិស្ថាន ទេសចរកើនឡើង។ នេះជាប្រសាសន៍លើកឡើងរបស់លោក អ៊ាង ស៊ីផាន អភិបាលខណ្ឌច្បារអំពៅនៅក្នុងពិធីអបអរសាទរទិវាជាតិទីក្រុងស្អាត កាលពីព្រឹកថ្ងៃទី២៥ ខែកុម្ភៈ ឆ្នាំ២០១៦នៅមុខផ្សាច្បារអំពៅ ។
ក្នុងពិធីនេះដែរមានការចូលរួមពីលោកប្រធានក្រុមប្រឹក្សាខណ្ឌ, លោកអភិបាលរង ខណ្ឌ, កម្លាំងកងរាជអាវុធហត្ថខណ្ឌ, ប្រជាពលរដ្ឋ, ក្រុមចលនាយុវជនខណ្ឌ សរុបទាំងអស់ជាង៣០០នាក់ ។
ក្រៅពីការអំពាវនាវដល់ប្រជាពលរដ្ឋអោយចូលរួមសម្អាតបរិស្ថាននិងសុំការយោគយល់ អភិបាលខណ្ឌច្បារអំពៅ លោកអ៊ាង ស៊ីផាន បានថ្លែង ក្នុងពិធីមានខ្លឹមសារដូច្នេះថា ចង់អោយទីក្រុងយើងស្អាត ខណ្ឌ សង្កាត់ និងផ្សារយើងមានបរិស្ថានល្អស្អាត ប្រកបដោយសុខមាលភាព ល្អ យើងត្រូវរៀបចំផែនការអោយជាក់លាក់ ដើម្បីទាញយកការចូលរួមសំអាតផ្សារ និងទីកន្លែងផ្សេងៗទៀត ពីគ្រប់មជ្ឈដ្ឋាន ពិសេសត្រូវមានការចូលរួមពីអាជីវករ ពីប្រជាពលរដ្ឋគ្រប់ៗរូប ។ តាមរយ:ព្រឹត្តិ ការណ៍នេះ ពិតជាការចូលរួម ចំណែកបន្ថែមទៀត ក្នុងការស្វែងរកកាលានុវត្តភាពថ្មីៗ សម្រាប់ពង្រឹងនិងពង្រីកកិច្ចសហប្រតិបត្តិការក្នុងវិស័យទេសចរណ៍ នាំមកនូវការផ្សព្វផ្សាយអំពីសក្កានុពលអំពីទេសចររបស់ព្រះរាជាណាចក្រកម្ពុជា ឲ្យកាន់តែទូលំទូលាយទៅកាន់បណ្តាប្រទេសតំបន់អាស៊ាន និងពិភពលោក។
បើទីក្រុងស្អាត មូលដ្ឋានរបស់យើងតាមបណ្តាសង្កាត់ តាមផ្សារ ក៏ត្រូវស្អាត ប្រជាពលរដ្ឋក៏មានសុខភាពទៅតាមនោះដែរ ។ លោកក៏បានណែនាំអោយអាជ្ញាធរ សង្កាត់ទាំង៨ ត្រូវចុះផ្សព្វផ្សាយដល់ប្រជាពលរដ្ឋ ដើម្បីចូលរួមសំអាតអនាម័យក្នុងមូលដ្ឋាន ដើម្បីអបអរទិវាជាតិទីក្រុងស្អាត លើកទី៤ ក្រោមប្រធានបទ “ទីក្រុងខ្ញុំស្អាត សុខសុវត្ថិភាពល្អ ទេសចរណ៍មានកំណើន” ។
លោកអភិបាលខណ្ឌបន្តថា ការប្រារព្ធទិវាជាតិទីក្រុងស្អាតនាពេលនេះ គឺជាព្រឹត្តិការណ៍ដ៏មានសារៈសំខាន់ ដែលបានឆ្លុះបញ្ចាំងឲ្យឃើញពីកិច្ចខិតខំប្រឹងប្រែងរួមគ្នាពីគ្រប់ភាគីពាក់ព័ន្ធ អាចចូលរួមដល់កិច្ចការពារបរិស្ថាននិងសង្គម ដើម្បីរួមចំណែកលើកកម្ពស់សោភ័ណភាពរាជធានីភ្នំពេញ និងបណ្តាទីក្រុងដទៃទៀតនៅទូទាំងប្រទេស។
តាមរយៈការប្រារព្ធទិវាជាតិទីក្រុងស្អាតនាពេលនេះ នឹងនាំមកនូវការផ្សព្វផ្សាយកាន់តែទូលំទូលាយ អំពីសក្តានុពលទេសចរប្រទេសកម្ពុជា ទៅបណ្តាប្រទេសក្នុងតំបន់ និងពិភពលោក ហើយព្រឹត្តិការណ៍នឹងជំរុញការប្រឡងប្រណាំងទីក្រុងស្អាតនៅទូទាំងប្រទេស កាន់តែមានភាពសកម្មខ្លាំងខ្លា និងរស់រវើក ក្នុងបុព្វហេតុរួមចំណែកជំរុញការអភិវឌ្ឍន៍សេដ្ឋកិច្ចបៃតង ជំរុញមជ្ឈដ្ឋានការរស់នៅឲ្យកាន់តែល្អប្រសើរ ផ្តល់ភាពកក់ក្តៅសុខមាលភាពរស់នៅ តាមបណ្តា ក្រុង ខេត្ត ស្រុក ខណ្ឌ នៃព្រះរាជាណាចក្រកម្ពុជា ពិសេសត្រៀមខ្លួនចូលរួមប្រឡងប្រណាំងដណ្តើមយកជ័យលាភី ផ្ការំដួល៣ទង នាពេលខាងមុខ៕
...
ដោយ៖ សណ្តោស
