ភ្នំពេញ៖ ជនសង្ស័យម្នាក់ត្រូវបានកម្លាំងនគរបាលប៉ុស្តិ៍ព្រែកប្រាចាប់ខ្លួនពាក់ព័ន្ធនឹងករណីចែកចាយគ្រឿងញៀន ដកហូតវត្ថុតាងថ្នាំញៀន ១០កញ្ចប់ កាលពីវេលាម៉ោង១០ និង២០នាទីព្រឹកថ្ងៃទី២៥ ខែកុម្ភៈ ឆ្នាំ២០១៦ នៅចំណុចក្រុមទី៤ ភូមិអូរអន្តូង១ សង្កាត់ព្រែកប្រា ខណ្ឌច្បារអំពៅ។

ជនសង្ស័យមានឈ្មោះ សូ សឿត ហៅសៀត ភេទប្រុស អាយុ៣២ឆ្នាំ មុខរបរមិនពិតប្រាកដ ស្នាក់នៅកើតហេតុខាងលើ។

បើតាមការបញ្ជាក់របស់សមត្ថកិច្ចបានឲ្យដឹងថា ការចាប់ខ្លួននេះធ្វើឡើងនៅគ្រាដែលកម្លាំងនគរបាលប៉ុស្តិ៍កំណត់មុខសញ្ញារួចហើយ លុះពេលល្បាតក៏ឃើញជនសង្ស័យក៏ឃាត់ខ្លួនដើម្បីត្រួតពិនិត្យរកឃើញថ្មាំញៀនចំនួន ១០កញ្ចប់។ បច្ចុប្បន្នជនសង្ស័យត្រូវបានបញ្ជូនមកកាន់អធិការដ្ឋាននគរបាលខណ្ឌច្បារអំពៅរួមជាមួយវត្ថុតាងថ្មាំញៀន ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ៕

ដោយ៖ សណ្តោស