ភ្នំពេញ៖ ហេតុការណ៍គ្រោះថ្នាក់ចរាចរណ៍បង្កឡើងដោយសារតែរថយន្តម៉ាកBMWមួយគ្រឿងបើកបរខ្វះការប្រុងប្រយ័ត្នបានជ្រុលទៅ បុករ៉ឺម៉កកង់បីពីក្រោយបណ្តាលអោយរងកាខូចខាតទាំងសងខាងនិងធ្វើអោយទ្រេតរនាំងដែកអស់ចំនួន2ផ្ទាំងផងដែរ។
ហេតុការណ៍នេះបានកើតឡើងកាលពីវេលាម៉ោង១០និង៣០នាទីយប់ថ្ងៃទី២៥ ខែកុម្ភះ ឆ្នាំ២០១៦ នៅចំណុចមុខអាគារកាណាឌីយាស្ថិតនៅតាមបណ្តោយផ្លូវព្រះមុន្នីវង្ស ក្នុងសង្កាត់ស្រះចក ខណ្ឌដូនពេញ។
តាមសាក្សីនៅកន្លែងកើតហេតុបានអោយដឹងថានៅមុនពេលកើតហេតុគេបានឃើញបុរសម្នាក់បើករ៉ឺម៉កកង់បីក្នុងទិសដៅពីត្បូងទៅជើងតាមបណ្តោយផ្លូវព្រះមុន្នីវង្ស ខណះមកដល់ចំណុចកើតហេតុស្រាប់តែមានរថយន្តមួយគ្រឿងម៉ាកBMW ពណ៍ទឹកប្រាក់ ពាក់ស្លាកលេខភ្នំពេញ2Q-9066 ធ្វើដំណើរស្របទិសគ្នាក្នុងល្បឿនលឿនដោយមិនមានការប្រុងប្រយ័ត្ន ក៏ជ្រុលបុកពីក្រោយពេញទំហឹងបណ្តាលអោយខ្ទប់ជាប់និងរនាំងដែកពុះចែកទ្រូងផ្លូវបណ្តាលអោយរងការខូចខាតតែសំណាង់មិនមានអ្នករងរបួសដោយគ្រាន់តែធ្វើអោយខូចរ៉ឺម៉កកងបីនិងរថយន្ត ចំណែករីឯរនាំងដែកទ្រេតអស់ចំនួន2ផ្ទាំងតែប៉ុណ្ណោះ។
តាមសមត្ថកិច្ចបានអោយដឹងថា ក្នុងហេតុការណ៍គ្រោះថ្នាក់ចរាចរណ៍ខាងលើនេះ គឺបង្កឡើងមកពីខាងភាគីរថយន្តបើកលឿនខ្វះការប្រុងប្រយ័ត្នបើកបរលឿន និងមិនគោរពច្បាប់ចរាចរណ៍ទើបបង្កអោយមានគ្រោះថ្នាក់យ៉ាងដូច្នេះ សំណាងល្អហើយដែលមិនបង្កអោយមានអ្នកស្លាប់ ឬរបួសនោះ ដោយគ្រាន់តែខូចខាតរ៉ឺម៉កនិងរថយន្តបន្តិចបន្តួចតែប៉ុណ្ណោះ។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់ចំណុចកើតហេតុសហការជាមួយជំនាញធ្វើការវាស់វែងយករថយន្តនិងរ៉ឺម៉កទៅរក្សាទុកនៅការិយាល័យចរាចរណ៍ជើងគោកដើម្បីរងចាំដោះស្រាយទៅតាមផ្លូវច្បាប់៕
ដោយ៖ ព្រែកជ័យ
