ខេត្តបន្ទាយមានជ័យៈ លោកបេន សំអាត អធិការនគរបាលស្រុកម៉ាឡៃ បានឲ្យដឹងថា៖ជនសង្ស័យម្នាក់បានធ្វើសកម្មភាពប្រើអំពើហឹង្សាវាយទៅលើជនរងគ្រោះ អតីយុទ្ធជនម្នាក់រងរបួសធ្ងន់ នៅចំណុចផ្លូវ៥០២ ស្ថិតក្នុងភូមិបន្ទាយទី០២ ឃុំ អូរសំព័រ ស្រុកម៉ាឡៃ រួចយកមកម៉ូតូទៅទម្លាក់ចូលក្នុងទឹកស្រះ។ជនរងគ្រោះត្រូវជនសង្ស័យវាយត្រូវក្បាលនិងមុខជាច្រើនកន្លែងសន្លប់ហើយជនសង្ស័យអូសជនរងគ្រោះដាក់លើគំនរឈើហើយចាក់សាំងដុត តែត្រូវបានប្រជាពលរដ្ឋ អ្នកធ្វើដំណើរតាមផ្លូវប្រទះឃើញទាន់ បង្កឲ្យមានការភ្ញាក់ផ្អើលនៅវេលាម៉ោង៧និង៣០នាទីព្រឹកថ្ងៃទី០១ខែកុម្ភៈ ឆ្នាំ២០២១ ក៍ទាញចេញពីកន្លែងឆេះ ហើយដឹកទៅសង្រ្គោះនៅមន្ទីរពេទ្យបង្អែកមិត្តភាព កម្ពុជា-ប៉ុន ស្រុកមង្គលបូរី តែជាអកុសលដោយរបួសធ្ងន់ធ្ងរជនរងគ្រោះបានស្លាប់ពេលដល់មន្ទីរពេទ្យ។
លោកអធិការបានបញ្ជាក់ថា៖ជនរងគ្រោះឈ្មោះ រុង រឿងភេទប្រុសអាយុ៥៩ ឆ្នាំរស់នៅភូមិបន្ទាយទី០២ ឃុំអូរសំព័រ ស្រុកម៉ាឡៃ អតីតជាយោធិចូលនិវត្ត។ចំណែកជនសង្ស័យឈ្មោះ វុន ឡៃហៀកភេទប្រុសអាយុ២៦ឆ្នាំ រស់នៅភូមិកោះស្នួល ឃុំទួលពង្រ ស្រុកម៉ាឡៃ ជាជនប្រើប្រាស់គ្រឿងញៀន ក្រោយពីធ្វើសកម្មភាពរួចកម្លាំងនគរបាលបានធ្វើការស្រាវជ្រាវឈានដល់ការឃាត់ខ្លួន នៅរសៀលថ្ងៃទី០១ខែកុម្ភៈ នេះផងដែរ ។
បច្ចុប្បន្នជនសង្ស័យឈ្មោះ វុន ឡៃហៀក ត្រូវបានកម្លាំងនគរបាលជំនាញព្រហ្មទណ្ឌនៃអធិការដ្ឋាននគរបាលស្រុកម៉ាឡៃកំពុងរៀបសំសំណុំរឿងបញ្ជូនខ្លួនទៅស្នងការដ្ឋាននគរបាលខេត្ត ដើម្បីចាត់ការបន្តតាមនិតិវិធីច្បាប់៕ វណ្ណា
