ភ្នំពេញ៖ ជនសង្ស័យមួយក្រុមប្រដាប់ដោយដាវកែច្នៃនិងចម្ពាមកៅស៊ូបានប្រមូលផ្តុំគ្នាបម្រុងធ្វេីសកម្មភាពហិង្សាត្រូវបានកម្លាំងនគរបាលធ្វេីការបង្ក្រាបឃាត់ខ្លួនយកទៅសាកសួរដើម្បីចាត់ការតាមច្បាប់។
ហេតុការណ៍នេះបានកេីតឡេីងកាលពីវេលាម៉ោង១រំលងអធ្រាត្រឈានចូលថ្ងៃទី៤ ខែកុម្ភៈ ឆ្នាំ២០២១ នៅមហាវិថីចោមចៅ ភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ។
តាមសម្តីសមត្ថកិច្ចបានឲ្យដឹងថា មុនឈានទៅដល់ការបង្ក្រាបឃាត់ខ្លួនក្រុមជនសង្ស័យខាងលេី គឺមានបងប្អូនប្រជាពលរដ្ឋបានរាយការណ៍ថា មានក្រុមក្មេងទំនេីងមួយក្រុមប្រដាប់ដោយដាវសាមូរ៉ៃប្រមូលផ្តុំគ្នានិងជិះម៉ូតូអូសដាវធ្វេីឲ្យពលរដ្ឋមានការភ័យខ្លាច ។ ក្រោយពីទទួលបានព័ត៌មានភ្លាមកម្លាំងនគរបាលបានចុះទៅដល់ចំណុចកេីតហេតុដោយឃេីញជនសង្ស័យកំពុងប្រមូលផ្តុំគ្នាក៏ធ្វេីការឃាត់ឆែកឆេររកឃេីញដាវសាមូរ៉ៃ ចំនួន៥ដេីមនិងចម្ពាមកៅស៊ូ១ ទេីបឃាត់ខ្លួនជនសង្ស័យចំនួន២៨នាក់យកទៅអធិការដ្ឋាននរបាលខណ្ឌពោធិ៍សែនជ័យដេីម្បីធ្វេីការសាកសួរនិងចាត់ការតាមច្បាប់៕
ដោយ៖ សុខាសែនជ័យ
