ការស៊ុតបាល់បញ្ចូលទីរបស់កីឡាករ Hussain El Shahat បានធ្វើឱ្យក្រុម Al Ahly ទទួលបានជ័យជម្នះ លើក្រុម Al-Duhail ក្នុងវគ្គ៨ក្រុមចុងក្រោយពានរង្វាន់ Club World Cup កាលពីថ្ងៃព្រហស្បតិ៍ដែលមានកៅអីទៅប្រកួតវគ្គពាក់កណ្តាលផ្តាច់ព្រ័ត្រជាមួយក្រុមម្ចាស់ជើងឯកអឺរ៉ុប Bayern Munich ។

ក្រុមម្ចាស់ជើងឯកប្រទេសអេហ្ស៊ីបមួយនេះបានរកគ្រាប់បាល់បានយ៉ាងល្អក្នុងការបើកឆាក ៤៥នាទីនិងគ្រប់គ្រងបានយ៉ាងល្អក្នុងតង់ទី២ដើម្បីឈានទៅប្រកួតវគ្គ៤ក្រុមចុងក្រោយនៅកាតា។

កីឡាករ Hussain El Shahat ជាអ្នករកគ្រាប់បាល់ឲ្យក្រុម Al Ahly នាទីទី៣០។ ទោះយ៉ាងណាមានគោលដៅតែមួយប៉ុណ្ណោះ ហើយក្រុម Al Ahly នឹងត្រូវប្រឈមមុខជាមួយក្រុមម្ចាស់ជើងឯក Champions League នៅថ្ងៃចន្ទសប្តាហ៍ក្រោយនេះ។

សូមបញ្ជាក់ថា ៤ក្រុមដែលត្រូវប៉ះគ្នាក្នុងពានរង្វាន់ Club World Cup គឺក្រុម Al Ahly មកពីអេហ្ស៊ីប ត្រូវប៉ះក្រុម Bayern Munich មកពីអាល្លឺម៉ង់នៅថ្ងៃទី៩ ខែកុម្ភៈ ឆ្នាំ២០២១វេលាម៉ោង១និងរំលងអធ្រាត្រម៉ោងនៅកម្ពុជា។ ចំណែកមួយគូទៀតគឺក្រុម Palmeiras មកពីប្រេស៊ីលប៉ះក្រុម Tigres UANL មកពីម៉ិចស៊ីកូនៅវេលាម៉ោង១និងរំលងអធ្រាត្រថ្ងៃទី៨ ខែកុម្ភៈ ដែលការប្រកួតទាំងនេះធ្វើឡើងនៅប្រទេសកាតា ៕ដោយ៖ភារៈ