ខេត្តបន្ទាយមានជ័យយ៖ កម្លាំងកងរាជអាវុធហត្ថក្រុងប៉ោយប៉ែតបានចុះធ្វើការស្រាវជ្រាវនិងឃាត់ខ្លួនជនសង្ស័យពីរនាក់បងប្អូន បន្ទាប់ពីរួមគ្នាប្រើហិង្សាវាយជនរងគ្រោះម្នាក់បណ្តាលឲ្យរងរបួសធ្ងន់។
លោកវរសេនីយ៍ត្រី នួន នីណារ៉ូមេបញ្ជាការកងរាជអាវុធហត្ថក្រុងប៉ោយប៉ែតបានឲ្យដឹងថា ជនជនសង្ស័យដែលឃាត់ខ្លួមានឈ្មោះ ស៊ីង វីកាំង អាយុ៣៧ឆ្នាំ រស់នៅភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ោយប៉ែតនិងឈ្មោះហេង សំបូរ អាយុ៣៦ឆ្នាំ រស់នៅភូមិមានជ័យ ឃុំស្រែស្ដៅ ស្រុកសំឡូត ខេត្តបាត់ដំបង ។
លោកនួន នីណារ៉ូ បានឲ្យដឹងទៀតថាក្នុងឱកាសបុណ្យចូលឆ្នាំចិន(ថ្ងៃ១៤ខែកុម្ភ:ឆ្នាំ២០២១)ក្រុមជនរងគ្រោះនិងជនបង្កបាននាំគ្នាផឹកស៊ីជួបជុំគ្នាយ៉ាងសប្បាយ។ពេលនោះភាគីជនបង្កជាប្អូនបានរំលឹករឿងកាលពី១០ឆ្នាំមុនថាមានឈ្មោះអេង ឃុយ និងឈ្មោះហ៊ុយបានវាយធ្វើបាបខ្លួនឲ្យរបួសធ្ងន់។ពេលនោះស្រាប់់តែភាគីបងខឹងជំនួសបានស្ទុះទៅវាយគូសត្រូវរបស់ប្អូន បណ្តាលឲ្យរបួសធ្ងន់វិញដែរដើម្បីសងសឹក ។បន្ទាប់មកជនរងគ្រោះក៏រត់ទៅប្តឹងសមត្ថកិច្ចកងរាជអាវុធហត្ថក្រុងប៉ោយប៉ែតឲ្យជួយធ្វើអន្តរាគមន៍ ។ក្នុងករណីនេះមានមនុស្ស៦នាក់បានទៅឃាត់ជម្លោះប៉ុន្តែឃាត់មិនជាប់ដែរទើបឈានដល់របួសធ្ងន់ជនរងគ្រោះដែលជាអតីតគូសត្រូវរបស់ប្អូននោះ ។
ប្រភពដដែលបានឲ្យដឹងទៀតថាដោយសារមានចម្លើយសារភាពរបស់ជនសង្ស័យទាំងពីរនាក់និងមានស្នាមរបួសរបស់ជនរងគ្រោះជាភស្តុតាងផងនោះ ទើបកម្លាំងកងរាជអាវុធហត្ថក្រុងប៉ោយប៉ែតផ្នែកព្រហ្មទណ្ឌបានកសាងសំណុំរឿងបញ្ជូនជនសង្ស័យទៅសាលាដំបូងខេត្តចាត់ការតាមនីតិវិធី៕
ដោយ÷ប្រាថ្នា
