ភ្នំពេញ ÷កម្លាំងនគរបាលព្រហ្មទណ្ឌខណ្ឌចំការមន សហការជាមួយនគរបាលប៉ុស្តិ៍ រដ្ឋបាលផ្សារដើមថ្កូវ បានបង្រ្កាបបទល្មើសជួញដូរថ្នាំញៀនមួយករណីជាក់ស្ដែងដោយបាន ជនសង្ស័យ២ នាក់រួមនិងថ្នាំញៀនចំនួន ១៦កញ្ចប់តូច កាលវេលាម៉ោងជាង១២យប់ឈានចូល ថ្ងៃទី១៩ ខែកុម្ហៈ ឆ្នាំ ២០២១ នៅតាមផ្លូវលេខ ៥០៨ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
សមត្ថកិច្ចបានឲ្យដឹងថា ជនសង្សយ័ទី 1 ឈ្មោះ ជា សារ៉ាត់ ភេទ ប្រុស អាយុ ៣៣ឆ្នាំ ស្នាក់នៅផ្ទះជួល ផ្លូលេខ៥០៨ សង្កាត់ផ្សារដើមថ្កូវ ខណ្ឌចំការមន មុខរបរគ្មាន និង ទី 2 ឈ្មោះ ប៊ុន ចាន់វិចិត្រដារ៉ា ភេទប្រុស អាយុ ៣៤ឆ្នាំ ស្នាក់នៅផ្ទះជួល ផ្លូលេខ១០៥ សង្កាត់ផ្សារដើមថ្កូវ ខណ្ឌចំការមន មុខរបរគ្មាន ។

លោក ផន អូន អធិការរងខណ្ឌចំការមនបានឲ្យដឹងថាដោយមានប្រជាពលរដ្ឋល្អរាយការណ៍ថាមានមនុស្សប្រុស២នាក់អង្គុយនៅលើម៉ូតូទំនងជួញដូរថ្នាំញៀនហើយដោយមានការសង្ស័យសមត្ថកិច្ច្ចសហការជាមួយមេភូមិនគរបាលប៉ុស្តិ៍ និងយោងការបញ្ជាពីលោក យិន សាន អធិការនគរបាល ខណ្ឌចំការមន អនុញ្ញាតឲ្យចុះបង្រ្កាប ទើបសមត្ថកិច្ចចម្រុះចុះដល់ទីតាំងខាងលើឃាត់បានជនសង្ស័យ២នាក់ខាងលើ និង វត្ថុតាងដកហូត ម៉ូតូគុប 1គ្រឿង ស្លាកលេខ 1I.4538ភ្នំពេញ ពណ៌ទឹកប៊ិច និងថ្នាំញៀន ១៧កញ្ចប់តូច រួចឃាត់មកនគរបាលខណ្ឌផ្នែកជំនាញតែម្តង ។
ក្រោយមានការបង្រ្កាបដោយជោគជ័យកម្លាំងនគរបាលបានអំពាវនាវដល់ប្រជាពលរដ្ឋយុវជនយុវតីទាំងអស់សូមជៀសឲ្យឆ្ងាយពីគ្រឿងញៀនព្រោះវាជាអំពើខុសច្បាប់និងធ្វើឲ្យយើងបាត់បង់ស្មារតីលែងស្គាល់បងប្អូនព្រមទាំងខាតបង់ការសិក្សានិងទ្រព្យសម្បត្តិអត់ប្រយោជន៍ទៀតផង ។

បច្ចុប្បន្នជនសង្ស័យខាងលើត្រូវបានឃាត់ខ្លួនជាបណ្ដោះអាសន្នដើម្បីកសាងសំណុំរឿងបញ្ជូនទៅតុលាការចាត់ការតាមច្បាប់៕
ដោយ÷ ជីណា