ភ្នំពេញ ៖ បុរសម្នាក់ត្រូវបានរថយន្តសាមុយដឹកយកទៅសង្គ្រោះនៅឯមន្ទីពេទ្យឯកជនភ្លាមៗ បន្ទាប់ពីមានរថយន្តក្រឡុកសុីម៉ងត៍មួយគ្រឿងបេីកឆ្លងផ្លូវ ត្រូវម៉ូតូMSXបុកពីចំហៀងពេញទំហឹង កាលពីវេលាម៉ោង១២ និង១០នាទីរំលងអាធ្រាត្រ ឈានចូលថ្ងៃទី២០ ខែកុម្ភៈ ឆ្នាំ២០២១ នៅតាមបណ្ដោយផ្លូវវេងស្រេង កែងផ្លូវសេះសរ ក្នុងសង្កាត់ស្ទឹងមានជ័យទី៣ ខណ្ឌមានជ័យ ។
តាមប្រភពព័ត៌មានពីកន្លែងកេីតហេតុបានឲ្យដឹងថា ដំបូងគេឃេីញរថយន្តក្រឡុកសុីម៉ងត៍ក្បាលពណ៌ស ពាក់ស្លាកលេខភ្នំពេញ 5A -2218 ធ្វេីដំណេីរតាមបណ្ដោយផ្លូវវេងស្រេង ទិសដៅពីលិចមកកេីត ខណៈមកដល់ចំណុចកេីតហេតុក៏បត់ឆ្វេងទៅផ្លូវសេះស ស្របពេលនោះក៏មានម៉ូតូមួយគ្រឿងម៉ាក MSX ពណ៌ខ្មៅ ពាក់ស្លាកលេខភ្នំពេញ 1GA-8654 ជិះដោយបុរសម្នាក់ធ្វេីដំណេីរតាមបណ្ដោយផ្លូវវេងស្រេង ទិសដៅពីកេីតទៅលិចក្នុងល្បឿនលឿន រួចក៏ជ្រុលទៅបុករថយន្តក្រឡុកសុីម៉ងត៍ពីចំហៀងក្បាលរថយន្តខាងស្ដាំពេញទំហឹង បណ្ដាលឲ្យអ្នកជិះម៉ូតូរងរបួសធ្ងន់ រីឯម៉ូតូរងការខូចខាតផ្នែកខាងមុខយ៉ាងដំណំ ។
ក្រោយកេីតហេតុ ជនរងគ្រោះភាគីខាងម៉ូតូត្រូវបានរថយន្តសាមុយរបស់មន្ទីពេទ្យឯកជនដឹកយកទៅសង្គ្រោះភ្លាមៗ ចំណែកតៃកុងរថយន្តក្រឡុកសុីម៉ងត៍ក៏ចុះពីលេីរថយន្តគេចខ្លួនបាត់ ។ បន្ទាប់មកសមត្ថកិច្ចមូលដ្ឋានទាក់ទងទៅជំនាញចរាចរណ៍ខណ្ឌមានជ័យ ឲ្យចុះមកធ្វេីការវាស់វែងយករថយន្តនិងម៉ូតូទៅរក្សាទុក រង់ចាំដោះស្រាយគ្នាពេលក្រោយ ៕
ដោយ៖ ភារ៉ា ដង្កោ
