ខេត្តកំពង់ស្ពឺ : កម្លាំងជំនាញ(ក៤)នៃមន្ទីរប្រឆាំងបទល្មើសគ្រឿងញៀន ដឹកនាំដោយលោក ឧត្តមសេនីយ៍ទោ ឃឹង សារ៉ាត់ នាយរកមន្ទីរ មានការចូលរួមកម្លាំងជំនាញ នៃស្នងការដ្ឋាននគរបាលខេត្តកំពង់ស្ពឺ និងមានការសម្របសម្រួលដោយលោកស្រី ចាត សូរស្មី ព្រះរាជអាជ្ញា បានបើកការស្រាវជ្រាវ ដោយឃាត់ខ្លួនជនសង្ស័យ២នាក់ពាក់ព័ន្ធនឹងករណីជួញដូរគ្រឿងញៀន។
ហេតុការណ៍នេះបានកើតឡើងកាលពីថ្ងៃទី១៥ ខែកុម្ភៈ ឆ្នាំ២០២១ វេលាម៉ោង ១៦និង៣០នាទី នៅចំណុចផ្លូវក្រោយសាលាខេត្តកំពង់ស្ពឺ ស្ថិតក្នុងភូមិទួលគោក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។
ជាលទ្ធផលសមត្ថកិច្ចបានដកហូតនូវវត្ថុតាងរួមមាន:
១-មេតំហ្វេតាមីន(ICE)០១កញ្ទប់ធំ ស្មើទម្ងន់ ៩៤៨,៩១ក្រាម ។
២-ម៉ូតូ ១គ្រឿង
៣-ទូរស័ព្ទដៃ ២គ្រឿង។
សមត្ថកិច្ចបានបញ្ជាក់ឲ្យដឹងថាជនសង្ស័យទាំង២ខាងលើ
១-ឈ្មោះ អ៊ិត វុទ្ធី ភេទប្រុស ឆ្នាំកំណើត ១៩៩៩ ជនជាតិ ខ្មែរ។
២-ឈ្មោះ ម៉ៃ ចិន ភេទប្រុស ជនជាតិ ខ្មែរ ឆ្នាំកំណើត ២០០៥
។

បច្ចុប្បន្ន ជនសង្ស័យ និងវត្ថុតាងចាប់យកខាងលើ សមត្ថកិច្ចជំនាញយើងបានកសាងសំណុំរឿង បញ្ជូនទៅសាលាដំបូងខេត្តកំពង់ស្ពឺ បន្តតាមនីតិវិធី ៕

ដោយ ស សម