ក្រុមបិសាចក្រហម Manchester United បានបាត់បង់៣ពិន្ទុបន្ថែមទៀតក្នុងការតាមក្រុមកំពូលតារាង Premier League គឺក្រុម Manchester City បន្ទាប់ពីពួកគេប្រកួតស្មើជាមួយក្រុមតោខៀវ Chelsea នៅឯ Stamford Bridge កាលពីរំលងអធ្រាត្រឈានចូលថ្ងៃទី១ ខែមីនានេះ។

ក្រុមរបស់លោក Ole Gunnar Solkjaer នៅតែស្ថិតក្នុងចំណាត់ថ្នាក់លេខ២ដដែល ប៉ុន្តែបច្ចុប្បន្នកំពុងតែដេញតាមពីក្រោយក្រុម Man City ចំនួន១២ពិន្ទុឯណោះ ខណៈដែលលទ្ធផលនេះបាន ធ្វើឲ្យ ក្រុមតោខៀវ Chelsea ស្ថិតនៅលេខ៥បន្ទាប់ពីក្រុម West Ham United ។

ក្រុមបិសាចក្រហម Manchester United ដែលចាញ់តែមួយប្រកួតក្នុងចំណោមការប្រកួតលីគ២០ លើកចុងក្រោយរបស់ពួកគេបានគិតថាពួកគេនឹងត្រូវបានផ្តល់ឱកាសដើម្បីធ្វើឱ្យមានភាពលេចធ្លោនៅពាក់កណ្តាលដំបូង ប៉ុន្តែការពិន័យបាល់ប៉េណាល់ទីដោយបាល់ប៉ះដៃកីឡាករ Callum Hudson-Odoi ត្រូវបានអាជ្ញាកណ្តាលលោក Stuart Attwell ផ្ដល់ឲ្យ។

Chelsea ដែលនៅតែមិនស្គាល់ចាញ់ក្រោមការដឹកនាំរបស់អ្នកចាត់ការថ្មី Thomas Tuchel ហើយមានឱកាសក្នុងការរកគ្រាប់បាល់ ប៉ុន្តែអ្នកចាំទី David de Gea បានសង្គ្រោះបាល់បានយ៉ាងល្អនៅតង់ទី២ ពីកីឡាករ Hakim Ziyech ខណៈដែលអ្នកចាំទី Edouard Mendy របស់ Chelsea ក៏បានសង្គ្រោះយ៉ាងល្អដែរពីការស៊ុតរបស់កីឡាករ Scott McTominay ។

នៅបញ្ចប់ការប្រកួតនេះក្រុមទាំង២ទទួលបានលទ្ធផលស្មើគ្នា ០ទល់០ ដែលធ្វើឲ្យក្រុមបិសាចក្រហមបន្តឈរចំណាត់ថ្នាក់លេខ២ មាន៥០ពិន្ទុ ខណៈក្រុមតោខៀវ Chelsea ឈរចំណាត់ថ្នាក់លេខ៥ មាន៤៤ពិន្ទុ ៕

  

ដោយ៖ភារៈ